Cydlynydd Safonau Diogel i Weithredu a Gwaith Ieuenctid – Cydweithredu Heddluoedd Cymru

Cydweithredu Heddluoedd Cymru a'r Tîm Dinasyddion ym maes Plismona

Rydym yn dîm ymrwymedig sy'n gweithio ar draws prosiectau mewn heddluoedd yng Nghymru er mwyn helpu i sicrhau cydweithrediad. Mae'r prosiectau hyn yn cynnwys meysydd fel cynaliadwyedd, digidol, gwaith fforensig, Dinasyddion ym maes Plismona, a mwy!
Mae'r Rhaglen Dinasyddion ym maes Plismona yn rhaglen fach a gyflwynir yn ardaloedd Heddlu De Cymru, Heddlu Gogledd Cymru, Heddlu Gwent a Heddlu Dyfed-Powys, er mwyn gwella profiadau plant, pobl ifanc ac oedolion sy'n gwirfoddoli. Mae hyn yn cynnwys rhaglenni i gadetiaid, ymgysylltu â phobl ifanc a'r cwnstabliaethau gwirfoddol.
Rydym yn gweithio'n bennaf o swyddfa ger Pen-y-bont ar Ogwr neu gartref.
Rydym yn gweithio 9-5 o ddydd Llun i ddydd Gwener ond weithiau byddwn yn cefnogi gweithgarwch ar y penwythnos.
Y rôl a'ch prif gyfrifoldebau:

Bydd deiliad y swydd yn datblygu fframwaith ar gyfer diogelu plant a phobl ifanc sy'n ymgysylltu â'r heddlu'n wirfoddol, yn unol â'r safonau Diogel i Weithredu cenedlaethol.
Bydd dogfennaeth newydd, gan gynnwys canllawiau, yn cael ei datblygu i gydweithwyr ar lefel weithredol a Swyddogion Cyfrifol Dynodedig ar gyfer diogelu.
Bydd arwain newid a chyflawni safonau uchel yn allweddol.
Diweddaru dogfennau prosiectau megis cofrestrau risg, cofnodion gwersi ac olrheinwyr budd.
Pa sgiliau a phrofiad y mae angen i chi eu cynnig i'r rôl:

Rydym yn chwilio am rywun sydd â phrofiad sylweddol mewn lleoliad gwaith ieuenctid neu rôl lle roedd diogelu yn ofynnol. Mae sgiliau trefnu a chyfathrebu eithriadol gyda lefel uchel o hunangymhelliant a brwdfrydedd i wneud gwahaniaeth yn bwysig. Byddwch yn gweithio â chydweithwyr mewn asiantaethau plismona ac asiantaethau partner. Bydd angen teithio y tu allan i ardal De Cymru o bryd i'w gilydd.