- Prifysgol Aberystwyth
- P5
- Aberystwyth
- Ceredigion
- SY23 3UX
Mae’r Ysgol Addysg wedi datblygu rhaglen arloesol, integredig sy’n ymateb i anghenion addysgu athrawon yn yr 21fed ganrif, ac sy’n addysgu ac yn datblygu darpar athrawon i addysgu yn y sectorau cynradd ac uwchradd. Mae’r pwyslais hwn ar addysgu ar draws y cyfnodau yn unol â Chenhadaeth Genedlaethol Llywodraeth Cymru a’r Cwricwlwm Newydd i Gymru, yn ogystal â thwf cynyddol ysgolion pob oed.
Yn ogystal â hyfforddiant athrawon Cynradd, mae’r Ysgol yn cynnig Hyfforddiant Cychwynnol Athrawon Uwchradd yn y pynciau canlynol: Bioleg gyda Gwyddoniaeth Gytbwys, Cemeg gyda Gwyddoniaeth Gytbwys, Ffiseg gyda Gwyddoniaeth Gytbwys, Drama, Saesneg, Daearyddiaeth, Hanes, Mathemateg, Ieithoedd Modern a’r Gymraeg. Gan ein bod yn sefydliad dwyieithog, gallwch astudio’r holl bynciau hyn trwy gyfrwng y Gymraeg hefyd. Bydd hyn yn eich rhoi mewn sefyllfa i wneud cais am grant cymhelliant cyfrwng Cymraeg y llywodraeth.
Darganfyddwch ein cwrs hyffordddiant athrawon Cynradd.
Darganfyddwch ein cyrsiau hyfforddiatn athrawon Uwchradd.
- Bioleg gyda Gwyddoniaeth Gytbwys (PGCE, 1 year)
- Cemeg gyda Gwyddoniaeth Gytbwys (PGCE, 1 year)
- Cymraeg (PGCE, 1 year)
- Daearyddiaeth (PGCE, 1 year)
- Drama (Cyfrwng Cymraeg) (PGCE, 1 year)
- Ffiseg gyda Gwyddoniaeth Gytbwys (PGCE, 1 year)
- Hanes (PGCE, 1 year)
- Ieithoedd Modern (Ffrangeg) (PGCE, 1 year)
- Ieithoedd Modern (Sbaeneg) (PGCE, 1 year)
- Mathemateg (PGCE, 1 year)
- Saesneg (PGCE, 1 year)
Ar ôl cwblhau’r Hyfforddiant Cychwynnol Athrawon yn llwyddiannus ym Mhrifysgol Aberystwyth, byddwch wedi cael digon o brofiad o ysgolion cynradd ac uwchradd, a fydd yn gwella eich cyfle o gael swydd.
Gwylich ein fideo i ddysgu mwy am ein cyrisau hyfforddiant cychwynnol Athrawon.
Pam astudio gyda ni?
Mae gan Ysgol Addysg Prifysgol Aberystwyth hanes hir a llwyddiannus o ddarparu rhaglenni gradd arloesol ar gyfer darpar athrawon. Ers 1872, mae ein dulliau dysgu trwy ymchwilio ac ymarfer wedi datblygu cenedlaethau o athrawon sydd wedi ysbrydoli disgyblion o bob cefndir i fod yn llwyddiannus.
- Mae ein Hyfforddiant Cychwynnol Athrawon (TAR) yn eich galluogi i brofi hyfforddiant athrawon mewn ysgolion Cynradd ac Uwchradd.
- Bydd pob myfyriwr sy’n bodloni ein gofynion mynediad ac yn cofrestru ar y cwrs fydd yn dechrau ym mis Medi yn cael cynnig Llety am ddim yn y Brifysgol ar gyfer yr 8 wythnos y disgwylir i’r myfyrwyr fod ar y campws. Mae hyn yn golygu y gallwch fyw mewn neuadd ar gampws Prifysgol Aberystwyth trwy gydol yr amser y byddwch yn y brifysgol (8 wythnos), cael defnyddio’r holl adnoddau (Undeb y Myfyrwyr, Llyfrgell, aelodaeth Blatinwm o’r Gampfa am ddim), a dod i adnabod y myfyrwyr eraill ar eich cwrs a fydd yn cychwyn ar eu taith addysgu hwythau.
- Byddwch yn cael eich dysgu a’ch mentora gan ymarferwyr â phrofiad, gwybodaeth a sgiliau helaeth i’w cyflwyno i chi yn ystod eich blwyddyn ffurfiannol fel myfyrwyr ymarfer dysgu.
- Rydym mewn partneriaeth ag ysgolion Cynradd ac Uwchradd ar draws canolbarth a gogledd Cymru. Ewch i’n tudalen benodol i ganfod mwy am y partneriaid posibl y gallech fod yn cydweithredu â nhw yn ystod eich blwyddyn hyfforddi athrawon. Mae ein partneriaid hefyd yn ein cynorthwyo â’r cyfweliadau, felly byddwch yn cwrdd ag un o’n partneriaid yn ystod eich cyfweliad TAR.
- Os nad oes gennych radd B TGAU mewn Mathemateg, Cymraeg neu Saesneg, gallwch sefyll prawf Cyfwerthedd yn y Brifysgol. Os oes gennych radd D neu is mewn Gwyddoniaeth ar hyn o bryd, byddwn hefyd yn cynnig cyfle ichi sefyll papur cyfwerthedd yn y pwnc hwn.
- Yn rhan o’r drefn ymgeisio, gofynnir i bob ymgeisydd sefyll profion mynediad fydd yn cynnwys Rhifedd, Llythrennedd (Saesneg) a phrawf Llythrennedd Cymraeg (ar gyfer y rhai fydd yn astudio trwy gyfrwng y Gymraeg yn unig). Ceir rhagor o wybodaeth am y Profion Mynediad ar y dudalen benodol.
- Prifysgol Aberystwyth yw’r unig brifysgol yng Nghymru i’w henwi’n Brifysgol y Flwyddyn am Ansawdd ei Dysgu ddwywaith yn olynol gan Ganllaw Prifysgolion Da y Times a’r Sunday Times 2019 a 2018.
- Mae’r Brifysgol hefyd wedi ennill Gwobr Aur am Astudiaethau Uwchraddedig yng Ngwobrau Dewis Myfyrwyr What University 2019.
Gwyliwch ein fideo i ddarganfod mwy am y brifysgol.
Ein Lleoliad
O gampws Penglais dyw hi’n ddim o dro i lawr y rhiw i dref lan môr hanesyddol Aberystwyth, sy’n aml yn cael ei galw’n brifddinas ddiwylliannol Cymru.
Yma yn Aber mae staff a myfyrwyr o dros 100 o wledydd, ac mae’n ganolfan gosmopolitan gyfeillgar. Fe welwch enwau cyfarwydd y stryd fawr ochr yn ochr â siopau a chaffis annibynnol a’r Farchnad Ffermwyr sydd wedi ennill gwobrau. Mae yma gymuned glos, ac ar ôl dod yma, mae llawer o’n myfyrwyr yn teimlo nad ydynt byth eisiau gadael.
Ac mae'r fro o gwmpas Aberystwyth mor hardd. Rhwng mynyddoedd y Canolbarth a glannau Bae Ceredigion, mae'n dirwedd brydferth o fryniau tirion, dyffrynnoedd, traethau a'r môr. Ac nid yw parciau cenedlaethol enwog Eryri a Sir Benfro yn bell, chwaith.
Mae'r adeiladau, sy'n glytwaith o bensaernïaeth Fictoraidd llawn lliw a chymeriad, yn cydweddu â'r dirwedd, yn edrych dros ehangder y prom 2km ei hyd. Yma mae myfyrwyr, pobl leol ac ymwelwyr yn cymysgu â gilydd yn cerdded, loncian neu feicio heibio.
Yn ôl yr hen draddodiad, mae myfyrwyr ac ymwelwyr yn 'cicio'r bar' ymhen gogleddol y prom wrth odre'r Graig Glais - neu Gonsti - wrth fynd am dro yn yr awyr iach ar lan y môr.
Mae digon i'w wneud o gwmpas y dre a'r tu hwnt. O fynd am dro o gwmpas y siopau bychain niferus a siopau'r stryd fawr, y caffis a'r bwytai - i archwilio'r atyniadau lleol, sef y Llyfrgell Genedlaethol, Rheilffordd y Graig, y Prom a'r Bandstand, yr Hen Goleg, Adfeilion y Castell, yr Harbwr a mwy.
Cewch ddewis o'r tri thraeth hardd yma: Traeth y Gogledd (sydd wedi ennill y faner las), Traeth y De, a Thraeth Tan-y-bwlch, i chi gael tynnu'ch esgidiau, teimlo'r tywod dan draed, ac os ydych chi'n lwcus, efallai y gwelwch y dolffiniaid. Ac yn yr haf, gallwch fwynhau gwylio'r machlud bendigedig o flaen tân bach neu farbeciw.