BETH YW TIWTOR DYSGU SEILIEDIG AR WAITH YM MAES SGILIAU HANFODOL?
Mae cymwysterau Sgiliau Hanfodol Cymru yn cefnogi datblygiad y sgiliau llythrennedd, rhifedd a digidol sydd eu hangen ar gyfer addysg, gwaith a bywyd, ac maent wedi’u hanelu at bobl sy’n cael mynediad at ddysgu mewn ystod eang o amgylcheddau y tu allan i ysgolion prif ffrwd.
Rydym yn gweithio ag ystod eang o ddysgwyr, ac yn aml â dysgwyr sy’n oedolion. Rydym yn gweithio’n agos â’n dysgwyr i asesu eu hanghenion a chynllunio rhaglenni cyflwyno sy’n bodloni eu gofynion unigol.
Gall y rôl fod yn heriol, weithiau. Ond rydym yn meithrin perthnasoedd cryf â dysgwyr er mwyn ymgysylltu â nhw, eu hysgogi a’u cefnogi i ddatblygu eu sgiliau, eu hyder a’u dealltwriaeth, ac i ddefnyddio’r medrau hyn yn annibynnol yn eu bywyd bob dydd ac yn y gwaith.
Rydym yn cefnogi datblygiad y sgiliau sydd eu hangen ar gyfer addysg, y gweithle, a bywyd, ac rydym yn gweithio â grŵp amrywiol o ddysgwyr mewn ystod eang o amgylcheddau.
Rydym yn cydweithio ar draws adrannau mewn ffordd fyfyriol a rhagweithiol er mwyn sicrhau’r canlyniadau gorau i ddysgwyr ac unigolion
* Yn ogystal, gall Tiwtoriaid Sgiliau Hanfodol weithio yn y sector addysg bellach (AB) (lle cânt eu hadnabod yn aml fel Darlithwyr Sgiliau Hanfodol). Dysgwch sut beth yw bod yn Ddarlithydd Sgiliau Hanfodol mewn coleg AB (dolen i silwét arall).
LLWYBRAU I MEWN I’R RÔL
Gall y rhain gynnwys:
- Gweithio mewn rolau eraill yn y sector dysgu seiliedig ar waith, y sector AB, neu’r sector addysg oedolion
- Gweithio fel athro neu gynorthwyydd addysgu lefel uwch mewn ysgol
- Ennill Cymhwyster Ymarferydd Sgiliau Hanfodol Lefel 3 yn ddiweddar
SGILIAU A PHRIODOLEDDAU ALLWEDDOL AR GYFER Y RÔL
- rheoli dosbarth yn effeithiol
- profiad o addysgu oedolion
- y gallu i ysgogi ac ysbrydoli dysgwyr
- sgiliau cyfathrebu cryf
- y gallu i gydweithio â phobl ar lefelau gwahanol
- sgiliau trefnu a chynllunio effeithiol
- sgiliau gwrando ac arsylwi cryf
- hyder wrth gyflwyno i grwpiau o fyfyrwyr
- gwybodaeth gadarn am yr alwedigaeth
- hyder a gallu wrth ddefnyddio TGCh, gan gynnwys technolegau digidol, i gefnogi addysgu a dysgu
- sgiliau Cymraeg – bydd y lefelau gofynnol yn amrywio, yn dibynnu ar y swydd, ond disgwylir ymrwymiad i’r Gymraeg ym mhob rôl (hyd yn oed os ydych ond yn datblygu eich sgiliau fel dechreuwr)
- ymrwymiad i ddiogelu dysgwyr a phobl ifanc
- ymrwymiad i gydraddoldeb, amrywiaeth a chynhwysiant.