BETH YW TIWTOR DYSGU SEILIEDIG AR WAITH (DSW)?
Rydym yn darparu cymorth, cyfleoedd asesu a phrofiadau dysgu gwerthfawr i gyfranogwyr dysgu seiliedig ar waith, gan eu helpu i gyflawni eu potensial a gwneud cyfraniad gwerthfawr yn eu gweithle.
Rydym yn defnyddio gwybodaeth fanwl am ein maes galwedigaethol i gyfuno theori â dysgu ymarferol a chyfunol mewn ystafell ddosbarth er mwyn ysbrydoli dysgwyr i fod yn greadigol, i gymryd yr awenau, a gwneud y dewisiadau sy’n addas iddyn nhw. Rydym yn hyblyg ac yn gallu addasu i anghenion newidiol ein dysgwyr.
Mae ein lefelau uchel o arbenigedd yn ein gwneud yn fodelau rôl ac yn fentoriaid rhagorol. Rydym yn adnabod ac yn cefnogi anghenion dysgwyr, yn monitro eu cynnydd, ac yn rhannu ein hadborth i’w helpu i dyfu.
Sut bynnag y byddwn yn cyflwyno dysgu seiliedig ar waith, cawn ein hysgogi gan angerdd i weld dysgwyr yn llwyddo ac yn tyfu fel unigolion. Rydym yn gweithio’n agos â chyflogwyr a rheolwyr i ddarparu profiad dysgu o ansawdd, gan gefnogi dysgwyr a’u helpu i gyflawni eu hamcanion dysgu ac ennill cymwysterau.
* Gall y rôl hon gael ei hadnabod hefyd fel hyfforddwr DSW.
LLWYBRAU I MEWN I’R RÔL
Gall y rhain gynnwys:
- Profiad mewn diwydiant neu addysg
- Gweithio fel athro neu gynorthwyydd addysgu lefel uwch (CALU) mewn ysgol
- Gweithio mewn lleoliad AB
SGILIAU A PHRIODOLEDDAU ALLWEDDOL AR GYFER Y RÔL
- y gallu i ysgogi ac ysbrydoli dysgwyr
- sgiliau cyfathrebu cryf
- y gallu i ddefnyddio tystiolaeth ac ymchwil i wella ymarfer mewn addysgu ac asesu
- ymrwymiad i gynnal a diweddaru gwybodaeth am faes/meysydd pwnc
- y gallu i gydweithio â phobl ar lefelau gwahanol
- sgiliau trefnu a chynllunio effeithiol
- sgiliau gwrando ac arsylwi cryf
- hyder wrth gyflwyno i grwpiau o fyfyrwyr
- gwybodaeth gadarn am yr alwedigaeth
- hyder a gallu wrth ddefnyddio TGCh, gan gynnwys technolegau digidol, i gefnogi addysgu a dysgu
- sgiliau Cymraeg – bydd y lefelau gofynnol yn amrywio, yn dibynnu ar y swydd, ond disgwylir ymrwymiad i’r Gymraeg ym mhob rôl (hyd yn oed os ydych ond yn datblygu eich sgiliau fel dechreuwr)
- ymrwymiad i ddiogelu dysgwyr a phobl ifanc
- ymrwymiad i gydraddoldeb, amrywiaeth a chynhwysiant.