BETH YW ASESYDD PRENTISIAETH?

Rydym yn cynllunio, yn cyflwyno ac yn asesu rhaglenni a gweithdai hyfforddiant galwedigaethol, gan weithio ar draws ystod eang o feysydd galwedigaethol – o drin gwallt a harddwch i adeiladu a gwasanaethau adeiladu – gan gefnogi grwpiau o ddysgwyr (o oedrannau gwahanol) yn eu gweithleoedd. Rydym yn hwyluso dysgu gan ddefnyddio ystod eang o adnoddau i gyd-fynd ag anghenion dysgwyr unigol.

Rydym yn gweithio’n agos â dysgwyr (yn aml, un i un) trwy gydol eu cymwysterau, gan asesu eu hanghenion a chynllunio rhaglen gyflwyno sy’n bodloni eu gofynion unigol a gofynion y diwydiant y maent yn gweithio ynddo. Rydym yn dilyn dull dysgu cyfunol (gan gyflwyno darpariaeth ar-lein yn ogystal ag wyneb i wyneb) ac yn defnyddio amrywiaeth o ddulliau asesu i fonitro ac adolygu cynnydd ein dysgwyr, a darparu adborth adeiladol i’w hymestyn a’u herio.

Mae gennym sgiliau technegol a galwedigaethol cryf, a gwybodaeth a phrofiad sy’n gyfredol ac yn berthnasol i ddiwydiant, sy’n ein galluogi i sicrhau bod dysgwyr sy’n dilyn cymwysterau galwedigaethol yn meddu ar y sgiliau a’r wybodaeth sydd eu hangen ar gyfer y swydd.

Rydym yn angerddol am drawsnewid bywydau ein dysgwyr, a meithrin perthnasoedd cefnogol â dysgwyr i sicrhau cynnydd, a’u cefnogi i gyflawni eu dyheadau.

Rydym yn gweithio’n agos â chyflogwyr, rheolwyr a dysgwyr i ddarparu profiad dysgu o ansawdd ac i gefnogi dysgwyr i ennill eu cymwysterau. Rydym yn monitro iechyd a diogelwch yn y gweithle i sicrhau diogelwch a lles ein dysgwyr.