Gwnewch wahaniaeth. Addysgwch y pwnc rydych chi’n ei garu yn y Gymraeg.

Os ydych yn siaradwr Cymraeg gyda Statws Athro Cymwysedig (SAC), mae galw mawr am eich sgiliau mewn ysgolion uwchradd ledled Cymru.

Gallwch newid i addysgu uwchradd gyda’r Cynllun Pontio os ydych:

  • Yn addysgu cynradd eisoes, yn y Gymraeg neu’r Saesneg.
  • Yn addysgu y tu allan i Gymru ar hyn o bryd, ond yn dymuno dychwelyd i addysgu yng Nghymru yn y Gymraeg.
  • Heb addysgu ers pum mlynedd neu fwy ond yn dymuno dychwelyd i'r proffesiwn (gyda SAC cynradd neu uwchradd).

 

Cewch gyflog, hyfforddiant, a llawer o gefnogaeth drwy’r Cynllun Pontio i wneud y newid hwn!

 

Gwnewch Gais Nawr

Lawrlwythwch a chwblhewch y ffurflen gais ar y dudalen ganlynol a'i chyflwyno drwy e-bost erbyn dydd Sul, 2ail Mawrth 2025. Am ragor o wybodaeth, darllenwch y Cwestiynau Cyffredin isod, neu ein hysbyseb swydd.

 

Gwnewch Gais Nawr

Ffion Elson
Ysgol Gyfun Gymraeg Llangynwyd, bellach yn dysgu Cymraeg a Cherddoriaeth
Gan symud o’r cynradd i’r uwchradd, rydw i wedi bod wrth fy modd yn gallu gweithio gyda dysgwyr o bob oed trwy gydol y dydd.
Sian Bradley
Pennaeth Bioleg yn Ysgol Glantaf
Yr hyn dwi’n ei garu am y Gymraeg yw fy mod i’n defnyddio iaith fy nheulu, o ble dwi’n dod.
Sarah Williams
Ysgol David Hughes, nawr yn addysgu Mathemateg
“Wnes i benderfynu ceisio i’r Cynllun Pontio gan fy mod i’n teimlo’n barod i ddychwelyd i fy ngyrfa ar ôl cael dau o blant.”
Angharad Pari-Williams
Ysgol David Hughes, nawr yn addysgu Daearyddiaeth
“Ro’n i eisiau defnyddio fy sgiliau addysgu cynradd yn yr uwchradd, felly nes i wneud cais ar gyfer y Cynllun Pontio.”
Meinir Davies
Ysgol David Hughes, Dirprwy Bennaeth a mentor
Mae'r ysgol yn cefnogi athrawon trwy sicrhau cyfnodau gwerthfawr yn arsylwi gwersi a chysgodi disgybl i gael blas ar beth mae addysg uwchradd yn ei olygu i'r plentyn.
Richard Battrick
Ysgol Gyfun Gymraeg Llangynwyd, wedi dychwelyd i Gymru i addysgu Celf a Thechnoleg
“Mae’r gefnogaeth gan yr athrawon a’r Cynllun Pontio wedi bod yn amhrisiadwy. Mae llai i boeni amdano nag y bydd rhywun yn ei feddwl!”
DARLLENWCH EIN CWESTIYNAU CYFFREDIN

Os oes angen unrhyw wybodaeth ychwanegol arnoch chi, cysylltwch â'r tîm drwy AthrawonCC.WMTeachers@gov.wales

Os oes gennych chi Statws Athro Cymwysedig (SAC) fel athro/athrawes ysgol gynradd yn barod, a'ch bod yn gallu addysgu trwy gyfrwng y Gymraeg, yna rydym eisiau i chi wneud cais!

Gallwch hefyd wneud cais os:

  • Rydych chi eisoes yn addysgu yn y sector cynradd, ond nid trwy gyfrwng y Gymraeg ar hyn o bryd

 

  • Mae gennych SAC (cynradd neu uwchradd) ac yn gweithio y tu allan i Gymru, ond yn dymuno addysgu yng Nghymru

 

  • Mae gennych SAC (cynradd neu uwchradd) ac nid ydych wedi bod yn addysgu ers pum mlynedd neu fwy, ond yn dymuno dychwelyd i'r proffesiwn

Gofynnir i chi enwi tair ysgol uwchradd cyfrwng Cymraeg ble yr hoffech addysgu. Os bydd eich cais yn llwyddiannus, byddwn yn hwyluso’r lleoliad hwn.

Byddwch!


Bydd pob unigolyn sy’n cymryd rhan yn y cynllun yn derbyn cyflog ar y gyfradd briodol ar gyfer y flwyddyn ysgol. Caiff yr unigolion eu contractio a’u talu gan yr ysgolion/awdurdodau lleol.

Mae’r Cynllun Pontio yn bartneriaeth rhwng yr ysgolion sy’n cymryd rhan a’r darparwyr Addysg Gychwynnol i Athrawon (AGA) dros gyfnod o flwyddyn ysgol.

Bydd disgwyl i chi addysgu gwersi, gydag amserlen addysgu yn cynyddu yn ystod y flwyddyn ysgol.

Bydd pedwar diwrnod o gefnogaeth yn cael eu darparu gan y darparwyr AGA ar y themâu canlynol:
•    Rheolaeth dosbarth
•    Rheolaeth ymddygiad
•    Lles yr athro a datblygu dycnwch
•    Strategaethau rheoli amser / llwyth gwaith
•    Trosolwg technegau cynllunio gwersi
•    Trosolwg o’r Cwricwlwm newydd
•    Mewnbwn ieithyddol: yn ôl angen yr unigolyn

Bydd yr ysgolion sy’n cymryd rhan yn darparu ystod o brofiadau, cefnogaeth a datblygiad proffesiynol ar y canlynol:


•    Mewnbwn pynciol
•    Marcio ac adborth
•    Cynllunio gwersi

Bydd gan bob athro fynediad at athro cefnogaeth proffesiynol o fewn yr ysgol, a fydd yn gyfrifol am gynnal deialog proffesiynol am ddatblygiad a darparu cefnogaeth mewn gwers unwaith bob pythefnos.

Croesewir ceisiadau i addysgu unrhyw bwnc, ond mae gwahanol anghenion mewn gwahanol ardaloedd o Gymru. Mae galw mawr am y pynciau canlynol:

  • bioleg
  • cemeg
  • dylunio a thechnoleg
  • gwyddoniaeth cyfrifiadurol/technoleg gwybodaeth
  • mathemateg
  • ieithoedd tramor modern
  • ffiseg
  • Cymraeg
  • Saesneg

Cynllun Pontio ar waith – Ysgol David Hughes