Pennaeth Ysgol Dyffryn y Swisdir

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Ynglŷn â'r swydd wag

Cyfeirnod y Swydd Wag: 2418

Sefydliad:

Ysgolion

Nifer y swyddi gwag:

1

Math o gontract:

Parhaol Amser Llawn

Lleoliad:

Llanelli, Sir Gaerfyrddin

Gradd:

Penaethiaid/Penaethiaid Cynorthwyol/Dirprwy Benaethiaid - Cyflog ac Amodau

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyflog o:

L14 - £69,787

Cyflog i:

L20 - £80,865

Oriau Contract:

Llawn Amser

Dewch i ymuno â'n tîm

Mae Ysgol Gymunedol Dyffryn y Swisdir yn ysgol gynradd sy'n darparu addysg ar gyfer disgyblion o 3 - 11oed. Mae wedi'i lleoli yn Nyffryn y Swisdir, Llanelli. Fe'i hadeiladwyd yn1969 ac mae wedi'i lleoli ar dir agored, yng nghanol Ystâd Parc Dyffryn y Swisdir, ac mae golygfeydd panoramig o Lanelli a'r cyffiniau.

Dymuna'r llywodraethwyr benodi ymarferydd ysbrydoledig, brwdfrydig, ymroddedig a deinamig i arwain, herio a pharhau i godi ein dyheadau a sicrhau cyfleoedd dysgu rhagorol cyson i bob disgybl. Arwyddair yr ysgol yw, "Mae rhaid mentro cyn cael dim!" - "Er mwyn llwyddo mewn unrhyw beth, rhaid i chi geisio yn gyntaf!".

Rydym yn chwilio am rhywun sydd â:

• Gweledigaeth glir am ragoriaeth addysgol ac yn angerddol ynglŷn â gwella cyflawniadau disgyblion
• Gallu i adeiladu ar y cryfderau presennol a datblygu potensial disgyblion a staff ymhellach;
• Gallu i ysbrydoli, ysgogi ac ennyn brwdfrydedd disgyblion a staff;
• Disgwyliadau uchel o ran cynnydd, cyrhaeddiad ac ymddygiad disgyblion, wrth sicrhau bod buddiannau a llesiant disgyblion wrth wraidd yr holl waith cynllunio;
• Cynnal y cyfleoedd cyfoethog ac eang o ran y cwricwlwm, wrth groesawu egwyddorion y Cwricwlwm Newydd i Gymru i sicrhau profiadau dysgu perthnasol iawn i'r holl ddisgyblion;
• Yn gyfathrebwr rhagorol sy'n gallu ymgysylltu'n effeithiol â phlant, rhieni, staff a llywodraethwyr trwy gyfrwng y Gymraeg a Saesneg.

Mae'r ysgol hon wedi ymrwymo i ddiogelu a hyrwyddo lles plant ac mae'n disgwyl i'r holl staff rannu'r ymrwymiad hwn.

BYDD YR YMGEISYDD LLWYDDIANNUS YN DESTUN GWIRIAD MANWL Y GWASANAETH DATGELU A GWAHARDD (DBS)

Os hoffech drafod y cyfle cyffrous hwn ymhellach, fe'ch gwahoddir i gysylltu â Giles Morgan, Cadeirydd y Llywodraethwyr, ar AGMorgan@sirgar.gov.uk neu drwy ffonio'r ysgol yn uniongyrchol ar 01554 774063.

Dyddiad Cau: Canol dydd ar ddydd Gwener, 24ain o Hydref 2025

Llunio'r Rhestr Fer: Dydd Llun, 3ydd o Dachwedd 2025

Cyfweliadau: Dydd Iau, 13eg o Dachwedd 2025

Dechrau: Ebrill 2026 neu cyn gynted a phosib .

Disgrifiad Swydd:

26-10-06 - Pecyn Recriwtio Pennaeth - Swiss Valley (Ddwyieithog) (006549).pdf - 1037KB ~~EFORM_FILE_NEW_WINDOW~~

Dyddiad disgwyliedig y cyfweliad:

13 Tachwedd 2025

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 3 - Bydd angen ichi fod â lefel dda o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 24/10/2025, 23:55

Y Buddion

Rydym yn cynnig pecyn buddion ardderchog, gan gynnwys:

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. ">Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.