Cynorthwyydd Cegin Cyffredinol Lefel 2 (Ysgol Gynradd Llanfair-ym-Muallt)

Cynorthwyydd Cegin Cyffredinol Lefel 2 (Ysgol Gynradd Llanfair-ym-Muallt)
Swydd-ddisgrifiad
Am y rôl:

Cynorthwyo'r Cogydd Cyfrifol gyda dyletswyddau cyffredin yn y gegin o ran paratoi, coginio, cludo a gweini bwyd a diodydd yn unol â Safonau Gwasanaethau Arlwyo Powys. Cydymffurfio â safonau maeth yn unol â Mesur Ysgolion Iach Cymru 2013. Cefnogi a hyrwyddo'r Gwasanaeth Arlwyo a'i nodau ac amcanion yn ddyddiol.

Amdanoch chi:

• Mae sgiliau darllen ac ysgrifenu'n hanfodol
• Gallu cofnodi data'n gywir gyda llaw ac yn electronig
• Trwydded yrru ac yn gallu gyrru fan
• Sgiliau TG
• Gallu cydymffurfio â lefelau cyfrinachedd ar bob lefel
• Gallu dangos tasgau gwaith i staff
• Gallu ymdopi â gofynion corfforol y swydd
• Gallu ymateb i gyfnodau prysur o ran llwyth gwaith, bodloni terfynau amser a chyflenwi'r gwasanaeth sydd ei angen

Eich dyletswyddau:

Cydymffurfio â Deddf Diogelwch Bwyd bob amser a Pholisïau a Gweithdrefnau Gwasanaethau Arlwyo Powys gan gynnwys y Polisi Hylendid a Golchi Dwylo. Sicrhau safonau da o ran arferion gweithio diogel bob amser.

Cynorthwyo gyda rheoli stoc, storio nwyddau, paratoi, coginio, cludo a gweini prydau ar ac oddi ar y safle, yn unol â gofynion y gwasanaeth.

Cynorthwyo gyda pharatoi'r man bwyta ar gyfer gwasanaeth, gan gynnwys gosod a chlirio byrddau a chadeiriau ar gyfer prydau bwyd, a chlirio a glanhau wedyn. Trefnu'r man gweini yn barod ar gyfer gwasanaeth

Cynorthwyo i weini prydau bwyd sy'n cydymffurfio â chanllawiau Llywodraeth Cymru o ran maeth a gwerth, gan reoli maint dognau, gan gynnwys dietau arbennig.

Cadw cofnodion cywir, yn ôl yr angen - rhai â llaw ac electronig.

Golchi llestri, cyllyll a ffyrc ac ati ac offer y gegin ac unrhyw offer ysgafn cysylltiedig arall fel bo angen. Cynorthwyo i gadw cegin lân trwy lanhau'r holl offer yn rheolaidd, mannau cadw biniau, storfeydd ac ardaloedd atodol, a glanhau'n ddyddiol yn unol ag amserlen glanhau'r gegin.

Os oes gennych chi unrhyw gwestiynau am y swydd, croeso ichi gysylltu â Rheolwr Arlwyo'r Ardal, Joanne Tomlins ar 01597 827166

Ar hyn o bryd mae gan Gyngor Sir Powys dâl atodol Cyflog Byw yn ôl disgresiwn i weithwyr sy'n ennill llai na £10.90 yr awr.