Cynorthwyydd Addysgu Lefel 2 Llesiant - Ysgol Crownbridge

Cyflog: Grade 4 | £25,584 - £26,835 PRO RATA

Mae'n hanfodol eich bod yn dangos sut rydych yn bodloni'r meini prawf 'hanfodol' a restrir yn y Fanyleb Person atodol, er mwyn sicrhau cyfweliad: Sut i wneud cais - canllaw i ymgeiswyr | Cyngor Bwrdeistref Sirol Torfaen .

Bydd ymgeiswyr yn gweithio i gefnogi disgyblion rhwng 2 a 19 oed, sydd ag anawsterau dysgu difrifol a chymhleth. Dylai ymgeiswyr fod yn ddibynadwy, yn wydn ac yn hyblyg, gyda'r gallu i weithio'n dda fel rhan o dîm.

Dylai fod gan bob ymgeisydd:-

• Brofiad o blant / pobl ifanc ag anghenion addysgol arbennig;
• Profiad o ofalu am anghenion gofal personol plant ac oedolion ifanc;
• Y gallu i gefnogi llesiant / datblygiad emosiynol disgybl;
• Y gallu i ddilyn cyfarwyddyd a bod ag awydd i fynd ati i ddatblygu'n broffesiynol;
• Brwdfrydedd ac ymagwedd gydwybodol;
• Y gallu i gofleidio newid a chyfrannu at ddatblygiad yr ysgol

Mae'r swydd hon yn cynnig cyfle i'r ymgeisydd ymuno â thîm arloesol, gweithgar a bywiog.

Mae'r swydd hon wedi'i heithrio o Ddeddf Adsefydlu Troseddwyr 1974. Bydd proses sgrinio gynhwysfawr yn cael ei chynnal ar gyfer pob ymgeisydd a fydd yn cynnwys gwiriad Manwl gyda'r Gwasanaeth Datgelu a Gwahardd.

Mae Cyngor Bwrdeistref Sirol Torfaen yn ymdrechu i fod yn gyflogwr teg, cefnogol ac effeithiol. Mae'r Cyngor wedi ymrwymo i ddiogelu a hyrwyddo lles plant, pobl ifanc ac oedolion agored i niwed. Mae'r Cyngor yn disgwyl i bob gweithiwr, cyflogedig neu ddi-dâl, rannu'r ymrwymiad hwn.

Mae croeso i chi gyflwyno eich ffurflen gais yn Gymraeg neu yn Saesneg. Bydd pob cais yn cael ei drin yn gyfartal.