Goruchwyliwr Cyflenwi - Ysgol Abersychan

Cyflog: £27,269 - £30,060 Pro Rata | Grade 5

Dyddiad Cychwyn: 1 Medi 2025 neu Cyn Gynted â Phosibl

Annwyl Ddarpar Ymgeisydd,

Diolch i chi am eich diddordeb mewn ymgeisio am swydd Goruchwyliwr Cyflenwi yn Ysgol Abersychan.

Mae Ysgol Abersychan yn ysgol gyfun gydaddysgol 11 - 16 sy'n diwallu anghenion plant o bob gallu. Rydym yn ysgol sydd wedi ymrwymo i sicrhau bod ein holl bobl ifanc yn hapus, yn llwyddiannus ac yn barod i fyw eu bywydau y tu hwnt i'r ysgol. Mae ein disgwyliadau a'n safonau yn uchel. Mae gennym staff ymroddedig a gofalgar iawn sy'n ymrwymo i sicrhau bod pob plentyn yn cyflawni ei orau. Ar hyn o bryd mae gan yr ysgol 770 o fyfyrwyr, 50 o athrawon a 58 aelod o staff cymorth. Mae'r ysgol yn gwasanaethu ardal sy'n destun amddifadedd economaidd-gymdeithasol sylweddol. Mae gan 32% o fyfyrwyr hawl i Brydau Ysgol Am Ddim ac mae 51% o fyfyrwyr yn byw mewn ardal sydd ymysg yr 20% o ardaloedd mwyaf difreintiedig yng Nghymru.

Cyflawnir nodau'r ysgol trwy system fugeiliol gref, ymrwymiad i ddarparu profiadau dysgu o ansawdd uchel ac ystod eang o weithgareddau chwaraeon, diwylliannol, cerddorol ac allgyrsiol. Mae'r disgyblion yn hapus, yn gweithio'n galed ac yn meddu ar agwedd gadarnhaol am yr ysgol. Maent wir yn ased i'n cymuned ac maent yn hynod gyfeillgar. Maen nhw eisiau derbyn addysg o safon uchel a llwyddo fel myfyrwyr. Mae gennym rieni a llywodraethwyr gwych, sy'n hynod gefnogol ac yn cefnogi'r ysgol i ddarparu'r addysg orau oll.

Os yw'r cyfle i chwarae rhan sylweddol drwy ein helpu i gyflawni ein huchelgeisiau yn eich tanio , os ydych chi'n credu y gall pob myfyriwr gyflawni, waeth beth yw ei gefndir neu'i allu, ac os oes gennych yr angerdd i ddarparu addysg ragorol, byddem wrth ein bodd i glywed gennych!. Yn gyfnewid, byddwn yn sicrhau'r lefel orau o gefnogaeth i chi.

Yn y cyfamser, os hoffech gael rhagor o wybodaeth neu os hoffech ymweld â'r

ysgol, mae croeso i chi gysylltu â Michelle Jones, Rheolwr Busnes, ar michelle.jones2@aberscyhanschool.co.uk .

Yn gywir,

Rhodri Thomas,

Pennaeth.

Dyddiad Cau: 21 Mawrth 2025

Cyfweliad: 3 Ebrill 2025 Mae'n hanfodol eich bod yn dangos sut rydych yn bodloni'r meini prawf 'hanfodol' a restrir yn y Fanyleb Person atodol, er mwyn sicrhau cyfweliad: Sut i wneud cais - canllaw i ymgeiswyr | Cyngor Bwrdeistref Sirol Torfaen.

Mae'r swydd hon wedi'i heithrio rhag Deddf Adsefydlu Troseddwyr 1974. Bydd proses sgrinio gynhwysfawr yn cael ei chynnal ar gyfer pob ymgeisydd a bydd yn cynnwys gwiriad manylach gyda'r Gwasanaeth Datgelu a Gwahardd

Mae Cyngor Bwrdeistref Siriol Torfaen yn ymdrechu i fod yn gyflogwr teg, cefnogol ac effeithiol. Mae'r Cyngor wedi ymrwymo i ddiogelu a hyrwyddo llesiant plant, pobl ifanc ac oedolion sy'n agored i niwed. Mae'r Cyngor yn disgwyl i'w gyflogeion, boed yn gweithio am dâl neu'n ddi-dâl, i rannu'r ymrwymiad hwn.

Mae croeso i chi gyflwyno eich cais yn y Gymraeg neu'r Saesneg. Bydd pob cais yn cael ei drin yn gyfartal.