Swyddog Cynorthwyo Prosiectau CC/3158

Cyflog: £29,451 - £32,236

Disgrifiad Swydd a Manyleb Yr Unigolyn

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Rhagori ar ddisgwyliadau drwy addysg, arloesedd ac ysbrydoliaeth...

Teitl y Swydd: Swyddog Cynorthwyo Prosiectau

Lleoliad: Glannau Dyfrdwy

Math o Gontract: Llawn Amser, parhaol

Cyflog: £ 29,451 - £32,236

Rydyn ni'n chwilio am Swyddog Cynorthwyo Prosiectau rhagweithiol a threfnus i ymuno â'n tîm Cyllid a Phrosiectau. Bydd deiliaid y swydd hanfodol hon yn cynorthwyo gyda'r gwaith o gydlynu a monitro ariannol prosiectau a ariennir yn allanol, gan gynnwys gweinyddu Cyfrifon Dysgu Personol. Bydd gofyn i ddeiliaid y swydd ffurfio perthnasoedd gwaith effeithiol gyda rhanddeiliaid amrywiol fel; Is-bennaeth Dysgu yn y Gwaith ac Ymgysylltu â Chyflogwyr, Pennaeth Cynorthwyol ar gyfer Ymgysylltu â Chyflogwyr, Arbenigwr Cyllid a Phrosiectau, Asiantaethau allanol yn ôl yr angen, a'r Tîm Cyllid a Phrosiectau.

Beth fyddwch chi'n ei wneud

• Cefnogi cysylltiadau cwricwlwm i weinyddu a datblygu prosiectau dynodedig
  
• Rheoli cofnodion gweithgareddau yn effeithlon, yn unol â gweithdrefnau a gofynion mewnol ac allanol
  
• Cynorthwyo gyda'r gwaith o baratoi ar gyfer archwiliad mewnol ac allanol o weithgarwch a ariennir
  
• Monitro ariannol partneriaid prosiect lle bo'n berthnasol
  
• Helpu i rannu gwybodaeth am brosiectau a chefnogi cyswllt dilynol â chleientiaid allanol
  
• Hyrwyddo a chodi ymwybyddiaeth o Weithgaredd a Ariennir yn Allanol o fewn y coleg
  
• Paratoi ffurflenni ystadegol ac ariannol yn unol â gofynion darparwyr cyllid
  
• Cynorthwyo lle bo'n briodol i ddarparu cymorth ac arweiniad i reolwyr coleg o ran rheoli ariannol a gwneud penderfyniadau gweinyddu prosiectau.
  

Rhaid i chi gael

• NVQ Lefel 3 mewn Gweinyddu Busnes neu gymhwyster cyfwerth
  
• Cymwysterau Lefel 2 mewn Saesneg a Mathemateg (neu gyfwerth) gradd 4 (C) neu uwch
  
• Cymhwyster Lefel 2 Llythrennedd Digidol neu'n fodlon gweithio tuag at hynny
  
• Profiad o weithio mewn swyddogaeth gynorthwyol gyda phrosiectau, gan gynnwys llunio a chynnal a chadw systemau gwybodaeth
  
• Profiad blaenorol o weithio mewn swyddogaeth cymorth gweinyddol gan gynnwys llunio a chynnal a chadw gwybodaeth ariannol/hawliadau
  
• Sgiliau rheoli prosiect da
  
• Gallu defnyddio rhaglenni Microsoft Office, a MS Word ac Excel ar lefel ganolraddol. Gallu defnyddio rhaglenni Google
  
• Gallu datrys problemau a gwneud penderfyniadau ariannol lefel isel sydd o fewn cyfyngiadau gweithdrefnau a rheoliadau ariannol
  

Dymunol ydy sgiliau'r Gymraeg ar gyfer y swydd hon. Rydym yn chwilio am ymgeiswyr sy'n gallu ein helpu ni i ehangu ein darpariaeth a'n gwasanaethau dwyieithog.

Nod Coleg Cambria ydy hyrwyddo ac ymgorffori'r Gymraeg a diwylliant Cymru yn rhagweithiol. Rydym wedi ymrwymo i ddarparu cyfleoedd a chefnogi ein cydweithwyr i ddatblygu eu sgiliau Cymraeg mewn lleoliadau ffurfiol ac anffurfiol. Mae hyn yn cynnwys gallu dilyn cynlluniau hyfforddiant Cymraeg yn ogystal â thaliadau anogaeth ar gyfer darpariaeth a gwasanaethau dwyieithog.

Rydym yn annog ceisiadau yn y Gymraeg yn fawr. Ni fydd ceisiadau a gyflwynwyd yn y Gymraeg yn cael eu trin yn llai ffafriol na cheisiadau a gyflwynwyd yn Saesneg.

Bydd ffurflenni cais, deunydd esboniadol, gwybodaeth am y broses gyfweld a dulliau asesu a disgrifiadau swydd i gyd ar gael yn Gymraeg.

Mae Coleg Cambria yn gyflogwr 'Hyderus o ran Anableddau'.

Rydyn ni'n adeiladu coleg sy'n adlewyrchu'r gymuned fywiog ac amrywiol rydyn ni'n ei gwasanaethu. Rydyn ni'n croesawu ac yn annog ceisiadau gan unigolion o bob cefndir, yn enwedig y rhai o grwpiau heb gynrychiolaeth ddigonol.

Mae Coleg Cambria wedi ymrwymo i ddiogelu pob dysgwr, ac rydym yn disgwyl i bob aelod o staff rannu'r ymrwymiad hwn.

Mae'r rôl hon wedi'i chynnwys o dan Orchymyn Deddf Adsefydlu Troseddwyr 1974 (Eithriadau) ac wedi'i dosbarthu fel gweithgaredd rheoleiddiedig.

Mae'n ofynnol felly cael gwiriad DBS Uwch gyda Rhestr Waharddedig, ac mae'n rhaid i ymgeiswyr ddatgelu pob rhybudd a chollfarn yn cynnwys unrhyw rai sydd wedi darfod. Mae'n drosedd gwneud cais os ydych wedi'ch gwahardd rhag gweithio gyda phlant. Ni fydd datgelu yn atal cyflogaeth yn awtomatig; cynhelir asesiad risg ond efallai y byddwn yn ystyried bod rhai euogfarnau / rhybuddion yn golygu eu bod nhw'n anaddas i weithio gyda phlant.

Yn dibynnu ar y swydd, efallai y bydd angen i ymgeiswyr llwyddiannus gofrestru gyda Chyngor y Gweithlu Addysg hefyd.

Fel arfer mae swyddi'n cael eu hysbysebu gydag ystod cyflog. Os cewch gynnig swydd yn y coleg, bydd profiad perthnasol yn cael ei ystyried er mwyn pennu eich cyflog cychwynnol.

Sylwer fod Coleg Cambria yn cadw'r hawl i gau'r rhestr ymgeiswyr yn gynnar ar gyfer unrhyw swydd pe byddwn yn derbyn nifer fawr o geisiadau. Byddwn yn argymell eich bod yn cwblhau eich cais cyn gynted â phosibl os hoffech gael eich ystyried ar gyfer y swydd hon.

Buddion

Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar ein safle yng Nglannau Dyfrdwy

Gostyngiadau ar ystod o gyrsiau gyda'r nos y coleg

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai

Absenoldeb mamolaeth, mabwysiadu a thadolaeth estynedig