Swyddog Cyswllt Cyflogwyr a Lleoliad Gwaith

Cyflog: Gradd 6 - 27,296 - 30,060

Mae hon yn swydd tymor penodol neu secondiad am 37 awr yr wythnos tan 31 Mawrth 2027.

Rhaglen gan Lywodraeth Cymru yw Cymunedau am Waith a Mwy, sy'n mynd i'r afael â thlodi drwy gyflogaeth gynaliadwy ac yn darparu mentora a chymorth cyflogaeth dwys.

Mae Cymunedau am Waith a Mwy yn darparu cymorth cynghorol arbenigol mewn perthynas â chyflogaeth a mentora dwys i bobl a dangynrychiolir yn y farchnad lafur, gan gynnwys pobl ifanc, hen bobl a phobl anabl; pobl ddu, Asiaidd a phobl o grwpiau lleiafrifoedd ethnig; a'r rhai sydd â chyfrifoldebau gofal.

Mae'r rhaglen yn canolbwyntio ar gynyddu cyflogadwyedd oedolion economaidd anweithgar a di-waith hirdymor sy'n wynebu rhwystrau cymhleth i gyflogaeth.

Mae Swyddog Cyswllt Cyflogwyr a Lleoliad Gwaith Cymunedau am Waith a Mwy yn gweithio o fewn tîm cyflawni lleol Cymunedau am Waith a Mwy yn Sir Benfro, bydd disgwyl i chi gynnal perthnasoedd gwaith effeithiol a pharhaus gyda microfusnesau, masnachwyr unigol a chyflogwyr eraill i sicrhau hyfforddiant seiliedig ar waith a chyfleoedd cyflogadwyedd priodol ar gyfer cyfranogwyr.

Byddwch yn nodi cyfleoedd cyflogaeth i gyfranogwyr ac ar yr un pryd yn hyrwyddo gwasanaethau'r rhaglen i ystod eang o randdeiliaid. Byddwch yn gyfrifol am gysylltu â chyflogwyr i ddod o hyd i swyddi gwag a chyfleoedd yn ogystal â darparu cymorth mewn gwaith i gyfranogwyr.

Byddwch yn gyfrifol am nodi a meithrin cysylltiadau â chyflogwyr lleol trwy weithgareddau gwaith maes a marchnata arloesol i hyrwyddo cynllun Cymunedau am Waith a Mwy, ei wasanaethau a manteision recriwtio ei gyfranogwyr.

Byddwch yn cydweithio â swyddogion ymgysylltu â chyflogwyr eraill yn fewnol ac yn allanol i sicrhau dull cydgysylltiedig a strategol o ddatblygu a chynnal cysylltiadau â chyflogwyr a chyfleoedd i gyfranogwyr llwyddiannus.

Byddwch yn darparu gwasanaeth hyblyg o ansawdd uchel, a bydd disgwyl i chi weithio fel rhan o dîm integredig.

Mae mynediad at gar yn hanfodol oherwydd byddwch yn gweithio ledled Sir Benfro a bydd angen mynychu cyfarfodydd/fforymau ledled Cymru.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.

Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.

Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
• Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.