Hyfforddwr Arweinyddiaeth

Croesewir ceisiadau gan y rhai sydd â CPCP ac sydd:
• yn bennaeth gweithredol yng Nghymru
• wedi ymddeol yn ddiweddar (ers Medi 2023) neu
• yn gyn bennaeth gyda chymhwyster hyfforddi lefel 7
Prif gyfrifoldebau’r Hyfforddwr Arweinyddiaeth yw:
• darparu hyfforddiant proffesiynol parhaus i’r tri chyfranogwr y maent yn eu cefnogi’n uniongyrchol
• cefnogi’r cyfranogwr i fyfyrio ar yr asesiad 360 a hwyluso sgyrsiau arweinyddiaeth yn seiliedig ar dwf personol
• cefnogi dewis y prosiect datblygu prifathrawiaeth
• gweithredu fel ‘brocer’ rhwng Pennaeth yr Ysgol a’r cyfranogwr i sicrhau cefnogaeth, amser a chyfle i gyflawni’r prosiect datblygu prifathrawiaeth a thasgau eraill a gytunwyd
Manteision bod yn Hyfforddwr Arweinyddiaeth:
• dysgu proffesiynol o safon uchel ar gyfer hyfforddi
• cyfleoedd i rannu arfer ar draws ysgolion a lleoliadau eraill
• rhwydweithio proffesiynol a chyfleoedd cydweithio gydag arweinwyr eraill ledled Cymru
• mynediad at ymchwil a dysgu proffesiynol ym maes arweinyddiaeth
Bydd hyfforddwyr yn cael eu dyrannu i gyfranogwyr CPCP Cymru yn seiliedig ar sector, iaith, angen daearyddol a phrofiad hyfforddwr.
Bydd yr Hyfforddwr Arweinyddiaeth yn cael ei ariannu am 23.5 diwrnod.

Sut i wneud cais
Os oes gennych ddiddordeb, gellir cael mynediad i’r ffurflen gais drwy Microsoft Forms.

Dyddiad cau ar gyfer ceisiadau: 26 Ionawr 2026 am 4yp.