Athro Celf (Campws John Beddoes)

Cyflog: MPS

Athro Celf (Campws John Beddoes)
Swydd-ddisgrifiad
Annwyl Ymgeisydd,
Diolch am eich diddordeb yn y Swydd Athro Celf Rhan Amser ar gontract cyfnod penodol ar Gampws John Beddoes, Ysgol Uwchradd y Drenewydd.
Mae Ysgol Uwchradd y Drenewydd wedi ei lleoli ar ddwy safle - mae'r Campws mwy yn y Drenewydd gydag ail gampws, John Beddoes, wedi'i leoli yn Llanandras. Ni yw'r ysgol fwyaf ym Mhowys.
Ers penodiadau i'r Uwch Dîm Arwain o 2018 ymlaen rydym wedi gwneud diwygiadau sylweddol gan gynnwys newidiadau strwythurol i'r tîm arwain, arweinwyr canol a'n timau cymorth a gweinyddol. Mae hyn wedi rhoi mwy o gapasiti, eglurder a chyfarwyddyd i ni ar daith gwella'r ysgol.
Rydym wedi buddsoddi'n sylweddol mewn dysgu proffesiynol i wella addysgu a dysgu ac i ddatblygu capasiti arweinyddiaeth. Mae dysgu wrth wraidd popeth a wnawn, sy'n cael ei gefnogi gan hunanwerthusiad cadarn, gonest a chywir sydd wedi bod yn brif elfen i strategaeth gwella yr ysgol.
Rydym wedi datblygu ein 'Taith 7' pwrpasol ein hunain wrth i ni symud tuag at gyflwyno'r Cwricwlwm Newydd i Gymru. Nod Taith 7 yw sicrhau pontio mwy esmwyth o'r ysgol gynradd i'r ysgol uwchradd gyda chefnogaeth y safonau uchaf ac ansawdd yr addysgu. Mae'r dull
hwn wedi rhoi profiadau dysgu dilys i fyfyrwyr yn y gymuned leol, Cyd-destun Cenedlaethol a Byd-eang. Mae Maes Dysgu a Phrofiad (MDPh) y Dyniaethau yn rhan annatod o 'Daith 7'. Mae datblygu ein myfyrwyr fel dysgwyr wedi bod yn flaenoriaeth allweddol ac rydym wedi gweithio'n galed i ddatblygu safonau sgiliau myfyrwyr sydd wedi eu cefnogi gan ein rhaglen

Meddylfryd Twf o'r enw CYMERIAD (CHARACTER).
Mae staff a llywodraethwyr yn gweithio'n hynod o galed i baratoi myfyrwyr ar gyfer yr heriau sydd o'n blaen. Mae cymuned y Drenewydd yn disgwyl safonau uchel ym mhopeth a wnawn.
Rydym yn chwilio am Athro Celf Rhan Amser eithriadol sydd wedi ymrwymo i ddarparu darpariaeth addysgol ragorol i bob disgybl. Ein nod yw sicrhau bod profiadau dysgu deniadol, addysgu o ansawdd uchel, llesiant cryf a chymuned y Drenewydd a Llanandras yn ganolog i'n
hysgol. Fel ysgol mae gennym uchelgais i fod yn 'un o'r goreuon'. Os ydych yn rhannu ein gweledigaeth ac yn meddu ar y sgiliau, y profiad a'r ysgogiad i weithio gyda ni, hoffem glywed gennych.
Gwahoddir ceisiadau gan athrawon cymwys, gan gynnwys cydweithwyr o'r sector cynradd ac ANG. Rydym yn cynnig ymsefydlu a chefnogaeth ragorol i ANG a'r holl staff newydd.
Os hoffech drefnu ymweliad â'r ysgol, cysylltwch â Julie Evans, Cynorthwy-ydd Personol y Pennaeth yn jevans@newtown-hs.powys.sch.uk
Edrychwn ymlaen at glywed gennych.