Technegydd Gweithdy - Plymio, Rhan Amser tal yr Awr, yn ystod y flwyddyn Academaidd 2025/2026

Cyflog: £15.24 - £15.58 yr awr (sy'n cynnwys hawl gwyliau), yn ddibynnol ar gymwysterau a phrofiad

Pwrpas y swydd

Mae Adran Adeiladwaith Coleg Menai yn adran flaengar sy'n cynnig cyrsiau mewn ystod o ddisgyblaethau. Mae addysgu a dysgu yn digwydd gyda mynediad at offer safonol y diwydiant ac mewn cyfleusterau modern.

Mae swydd y Technegydd Plymio yn swydd annatod yn yr Adran Adeiladwaith. Bydd yn gweithio'n agos gyda'r staff darlithio i sicrhau bod deunyddiau ac offer yn cael eu cynnal a'u bod ar gael ar gyfer sesiynau ymarferol gyda grwpiau o ddysgwyr. Bydd hefyd yn gyfrifol am wneud yn saff bod offer yr Adran wedi eu cynnal au cadw'n iawn.


Manylion Swydd
Cyfeirnod y Swydd
CM/028/25

Cyflog
£15.24 - £15.58 yr awr (sy'n cynnwys hawl gwyliau), yn ddibynnol ar gymwysterau a phrofiad

Hawl gwyliau
Bydd hawl i wyliau â thâl pro rata ym mhob blwyddyn academaidd (1 Medi i 31 Awst), sy'n cynnwys hawl pro-rata i 8 Gŵyl Banc a Gwyliau Cyhoeddus a welir fel arfer yng Nghymru a hawl pro-rata o hyd at 5 o wyliau effeithlonrwydd (sylwer y gall hyn newid yn flynyddol). Mae gwyliau blynyddol yn deillio o hawl pro rata cyfwerth ag amser llawn o 28 diwrnod (yn codi i 32 diwrnod ar ôl pum mlynedd lawn o wasanaeth di-dor) sydd wedi'i gynnwys yn y gyfradd fesul awr a delir.

Patrwm gweithio
22.5 awr yr wythnos, 38 wythnos y flwyddyn (yn ystod tymor y Coleg - Tymor yn Unig)

Noder os gwelwch yn dda - fe gytunir y patrwm gwaith gyda'r ymgesiydd llwyddiannus

Hawliau Pensiwn
Cynllun Pensiwn Llywodraeth Leol

Math o gytundeb
Rhan Amser a Delir wrth yr Awr

Dyddiad cau
14 Hyd 2025
12:00 YH (Ganol dydd)