Cynorthwyydd Addysgu - Canolfan Arbenigol (Ysgol Calon Cymru)

Cyflog: Graddfa 7 Pwynt 15 i Bwynt 19 £30,024 i £32,061 y flwyddyn ar gyfartaledd £15.56 i £16.61 yr awr

Cynorthwyydd Addysgu - Canolfan Arbenigol (Ysgol Calon Cymru)
Swydd-ddisgrifiad
Cynorthwyydd Addysgu - Canolfan ASC
Ysgol Calon Cymru
30 awr yr wythnos
Cyfnod penodol tan 17.07.2026
Rydym yn chwilio am Gynorthwyydd Addysgu brwdfrydig, ysbrydoledig a medrus sydd eisiau gwneud gwahaniaeth i brofiadau addysg a dysgu ein myfyrwyr. Gan weithio o dan oruchwyliaeth gyffredinol yr Athro/Athrawes â Chyfrifoldeb, bydd yr ymgeisydd llwyddiannus yn gyfrifol, o ddydd i ddydd, am gefnogi dysgwyr ag awtistiaeth a PDA sy'n defnyddio'r Ganolfan Arbenigol. Byddant yn ymgymryd â gwaith penodol sy'n
cynnwys cynllunio, paratoi, cyflwyno ac asesu gweithgareddau dysgu i ddisgyblion unigol, a monitro a darparu ar gyfer gofal, diogelwch a lles cyffredinol disgyblion, gan gynnwys tasgau sy'n gysylltiedig â'u cynhwysiant cymdeithasol a darparu ar gyfer eu hanghenion gofal personol, corfforol ac iechyd.
Bydd gan yr ymgeisydd delfrydol brofiad blaenorol o weithio gydag unigolion ag awtistiaeth a gwybodaeth gadarn am ymyriadau Llythrennedd Emosiynol. Mae hon yn rôl a fyddai'n addas i
unigolyn uchelgeisiol sydd â diddordeb gwirioneddol mewn cefnogi myfyrwyr i gyflawni eu potensial.
Mae Ysgol Calon Cymru yn ysgol 11-18 oed sy'n gwasanaethu dalgylch gwledig eang, wedi'i lleoli ar ddau gampws, gyda chweched dosbarth gweithgar. Mae Ysgol Calon Cymru yn elwa o dîm o athrawon a staff cysylltiol gweithgar, cymwys ac ymroddedig. Mae'r ysgol yn meithrin
ethos cryf o barch at ei gilydd, ysbryd tîm a chydweithio er budd gorau'r disgyblion. Mae ein disgyblion yn ymddwyn yn dda, yn groesawgar ac yn falch o'u hysgol. Maent yn gweithio ochr yn ochr â staff i gyflawni ein gweledigaeth gyffredin o ddod y gorau y gallwn fod. Bydd eich
ychwanegiad at y gymuned ddysgu yn ein helpu i gyflawni'r weledigaeth hon. Mae gwefan ein hysgol (https://www.ysgolcalon.cymru/ ) yn darparu ystod o wybodaeth am yr ysgol. Arolygwyd yr ysgol ym mis Hydref 2022 a chafodd ei disgrifio gan Estyn fel, 'Mae Ysgol Calon Cymru yn darparu amgylchedd dysgu tawel, gofalgar a chyfoethog lle mae llawer o ddisgyblion yn datblygu'n unigolion hapus, hyderus a pharchus. Mae llawer o ddisgyblion yn ymddwyn yn barchus tuag at ei gilydd, yn datblygu perthnasoedd cadarnhaol gyda staff yr ysgol ac yn
gyfeillgar gydag ymwelwyr.' Mae Ysgol Calon Cymru yn ysgol ddwyieithog ac mae'r gallu i siarad Cymraeg yn ddymunol ar gyfer y swydd hon.