Cymhorthydd Cefnogol Lefel 3 Ysgol Glan y Mor

Cyflog: £20,938 y flwyddyn

Manylion
Hysbyseb Swydd

YSGOLION UWCHRADD

Ysgol Glan y Môr, Pwllheli

(Ysgol Gyfun 11 - 16: 507 o ddisgyblion)

Yn eisiau: ar gyfer 01 Medi, 2025

Cymhorthydd Cefnogaeth Dysgu Lefel 3 Parhaol

Mae Llywodraethwyr yr ysgol yn awyddus i apwyntio person brwdfrydig ac egnïol ar gyfer y swydd uchod sydd yn meddu ar y cymwysterau priodol a'r sgiliau addas.

Mae hwn yn gyfle da i unigolyn gael profiad o weithio mewn amgylchedd ysgol uwchradd.

Gwahoddir ceisiadau oddi wrth unigolion brwdfrydig a gweithgar i gyfrannu at waith yr ysgol. Prif bwrpas y swydd yw arolygu dosbarthiadau yn ystod absenoldeb athrawon am gyfnodau byr. Nid yw hyn yn cynnwys cyfrifoldeb am addysgu.

Oriau gwaith: 33 awr yr wythnos

(Bydd yn ofynnol i chi weithio 39 wythnos waith mewn blwyddyn ysgol sef 38 wythnos tymor ysgol, 5 diwrnod mewn hyfforddiant,

Graddfa Gyflog: Telir cyflog yn unol ag Amodau Gwaith ar gyfer Gweithwyr Llywodraeth Leol, Graddfa GS4 pwyntiau 7 - 11 (£19,644 - £20,938 y flwyddyn) yn ôl profiad a chymhwyster.

Mae'r gallu i gyfathrebu drwy gyfrwng y Gymraeg a'r Saesneg yn hanfodol ar gyfer y swydd hon. Mae'r ysgol yn gweithredu'n unol a'i Bolisi Iaith. Bydd angen i'r ymgeisydd gyrraedd y lefel ieithyddol sy'n cael ei nodi yn y Manylion Person.

Rydym yn annog pob ymgeisydd am swydd gyda'r Cyngor i gyflwyno ceisiadau yn Gymraeg neu yn ddwyieithog. (Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i'r ymgeisydd ystyried yn ofalus beth yw gofynion iaith y swydd a'r sefydliad ac a fyddai cyflwyno cais yn uniaith Gymraeg yn fwy addas).

Gwahoddir unrhyw un sydd â diddordeb a/neu angen mwy o wybodaeth i drafod yn anffurfiol â'r Pennaeth Mr Guto Wyn.

Gellir cyflwyno cais am y swydd yma ar-lein ar wefan Cyngor Gwynedd neu mae pecyn cais i'w cael gan Mr Robin Llywelyn Roberts, Rheolwr Busnes, Ysgol Glan Y Mor, Ffordd Caerdydd, Pwllheli, Gwynedd, LL53 5NU (Rhif ffôn: 01758 701244) ; e-bost: sg@glanymor.ysgoliongwynedd.cymru. Os dymunir dychwelyd y cais drwy'r post, dylid ei ddychwelyd i'r cyfeiriad uchod erbyn y dyddiad cau.

DYDDIAD CAU: 12:00 Y.P, DDYDD LLUN, 07 Gorffennaf, 2025.

Bydd y Cyngor yn gofyn am gopi o'r dadleniad gan Wasanaeth Datgelu a Gwahardd a chadarnhad o gofrestriad gyda'r Cyngor Gweithlu Addysg gan yr ymgeisydd llwyddiannus cyn y gallent gychwyn yn yr Ysgol.

Mae'r awdurdod hwn wedi ymrwymo i ddiogelu a hyrwyddo lles plant a phobl ifanc ac mae'n disgwyl y bydd pob un o'i staff a'i wirfoddolwr yn rhannu'r ymrwymiad hwn.

Manylion Person

-

Swydd Ddisgrifiad

Swydd ddisgrifiad: Uwch Gymhorthydd Dysgu (Lefel 3)

Rheolwr llinell:

Materion dydd-i-ddydd: Y Rheolwr Busnes

Materion cwricwlaidd/bugeiliol: Yr Uwch Dîm Arwain

Oriau gweithio:

30 awr yr wythnos dros gyfanswm o 195 diwrnod y flwyddyn.

Graddfa cyflog:

Pwyntiau GS4 ar raddfa NJC

Pwrpas y swydd:

Prif bwrpas y swydd yw arolygu dosbarthiadau yn ystod absenoldeb athrawon am gyfnodau byr. Nid yw hyn yn cynnwys cyfrifoldeb am addysgu.

Pan na fydd angen arolygu dosbarthiadau fe fydd yr Uwch-gymhorthydd yn ymgymryd â dyletswyddau Cymhorthydd Dosbarth ac oherwydd hynny y mae'r swydd-ddisgrifiad honno yn berthnasol i'r swydd hon hefyd.

Dyletswyddau Penodol:

(Gweler hefyd y rhestr o ddyletswyddau Cymhorthydd Dosbarth.)

Arolygu dosbarthiadau yn ystod absenoldeb athrawon (am gyfnodau byr), gan gadw trefn ar y disgyblion a'u hannog i fynd ymlaen â gwaith addysgol.

Arolygu arholiadau mewnol ac allanol gan sicrhau y cydymffurfir â'r rheolau.

Gweithio gydag unigolion i'w cynorthwyo gyda phroblemau ymddygiad yn y dosbarth ac adrodd amdanynt wrth yr UDA.

Cymryd gofal o ddisgyblion ar ymweliadau.

Yn dilyn ymgynghoriad, ymgymryd ag unrhyw ddyletswyddau perthnasol a rhesymol eraill ar gais y Pennaeth.

Pwrpas y swydd:

Bydd Cymhorthydd Dosbarth yn meithrin disgyblion i gymryd rhan ym mhrosesau cymdeithasol ac academaidd yr ysgol, gan alluogi disgyblion i ddod yn ddysgwyr mwy annibynnol a'u cynorthwyo i gyflawni eu llawn botensial. Bydd angen bod yn gydymdeimladwy ac yn amyneddgar ond hefyd yn cadw'r ddisgyblaeth angenrheidiol.

Dyletswyddau:

Cefnogaeth i ddisgyblion

Dod i adnabod y plant y gweithir â hwy a gallu perthnasu â hwy yn dda.

Gweithio gydag unigolion neu grwpiau bychain yn y dosbarth neu ar wahân dan reolaeth athro.

Cefnogi gweithgareddau dysgu'r disgyblion drwy-

• egluro pwyntiau ac ailadrodd cyfarwyddiadau'r athrawon
• ysgogi ac annog
• cynorthwyo gyda gwendidau e.e. darllen, ymddygiad, llawysgrifen, sillafu
• helpu i ganolbwyntio - ymyrryd pan nad ydynt yn gallu parhau a'u gwaith
• addasu adnoddau i'w cynorthwyo mewn trafodaethau gyda'r athrawon
• ysgrifennu dros y disgybl (pan fo angen)
• arolygu gwaith ymarferol
• cynorthwyo disgyblion i ddal i fyny â gwaith y maent wedi ei golli
• cynorthwyo disgyblion i ddysgu sillafu a pharatoi at brofion
• Hyrwyddo ymddygiad da disgyblion a'u tynnu allan o sefyllfaoedd sy'n datblygu'n broblemus.
• Cyfrannu tuag at iechyd a lles y disgyblion

Cefnogaeth i'r athro

Bod yn ymwybodol o drefn dosbarth a deall beth a ddisgwylir gan yr

athrawon.

Cynorthwyo'r athrawon i ddatblygu rhaglen waith addas ac i gofnodi

cynnydd.

Cyfrannu tuag at arfarnu'r rhaglen gymorth a rhoi adborth am y disgybl

wrth yr athro.

Cyfrannu tuag at hyrwyddo ymddygiad da yn y dosbarth ac o gwmpas

yr ysgol.

Cynorthwyo gyda thasgau gweinyddol e.e. ffotocopïo, paratoi arddangosfeydd, ffeilio, addasu gwaith, lamineiddio.

Cynorthwyo gyda gwaith TGCh.

Cynorthwyo gyda grwpiau darllen boreol ac ymyrraeth.

Cefnogaeth i'r ysgol

Adolygu a datblygu eu hymarfer proffesiynol eu hunain- mynychu cyfarfodydd hyfforddi.

Cadw'r safonau uchaf o gyfrinachedd.

Bod yn ymwybodol o drefniadau Diogelu, Iechyd a Diogelwch a pholisïau'r ysgol a sicrhau y cânt eu gweithredu.

Cynorthwyo gyda gwaith gweinyddol cyffredinol pan fo'r angen e.e. coladu adroddiadau, paratoi ffurflenni, cofnodi data.

Bod yn hyblyg a gweithio heb fod yn gofyn am gyfarwyddyd cyson nac angen arolygaeth gyson.

Yn dilyn ymgynghoriad, ymgymryd ag unrhyw ddyletswyddau perthnasol a rhesymol eraill ar gais y Pennaeth.

Asesu ac Adrodd

Cyfrannu at Gynllun Datblygu Unigol disgyblion yn ôl yr angen.

Cyfrannu at Adolygiad Blynyddol disgyblion yn ôl yr angen.

Dyletswyddau Eraill

Mynychu cyfarfodydd staff boreol

Mynychu cyfarfodydd staff llawn yn ôl yr angen.

• Ceisio ar lein - Sut?
  
• Rhestr Swyddi