Cynorthwyydd Addysgu Lefel 3 - Ysgol Bro Teifi

Cyflog: 25,584 - 26,835 *

Ynglŷn â'r rôl
Math o gytundeb: 32.5 awr Tymor yn Unig tan Awst 2026

Mae Llywodraethwyr Ysgol Bro Teifi yn awyddus i benodi Cynorthwy-ydd Addysgu Lefel 3 i ymuno ag Adran Anghenion Dysgu Ychwanegol yr ysgol fel cydlynydd sgiliau bywyd. Bydd yr ymgeiswyr llwyddiannus yn cydlynu, trefnu a darparu cyfleoedd amgen i ddisgyblion y tu mewn a thu allan i'r dosbarth. Bydd prif ddyletswyddau'r rôl yn ymwneud â darparu cwricwlwm wedi ei addasu sy'n datblygu sgiliau bywyd carfan o ddisgyblion oed uwchradd yn bennaf. Mae'r Cwricwlwm Cynnydd a Sgiliau Bywyd yn gweithio ochr yn ochr a'r cwricwlwm prif lif er mwyn diwallu anghenion ein disgyblion yn llawn. Mae Ysgol Bro Teifi yn ymfalchïo yn ei hethos gynhwysol a bydd disgwyl i'r ymgeiswyr llwyddiannus i gefnogi ein egwyddorion craidd a gweithio yn effeithiol fel rhan o dîm cynhwysiant yr ysgol.

Manylion y swydd:

• Cynllunio a darparu cyfleoedd i ddisgyblion ADY i ddatblygu sgiliau bywyd pwysig drwy brofiadau cyfoethog, bywyd go-iawn o fewn yr ysgol a thu allan.
• Gweithredu cyfleoedd dysgu ychwanegol drwy ddarparwyr allanol a'r gymuned leol.
• Targedu ymyraethau priodol i ddysgwyr penodol er mwyn sicrhau ymrwymiad at ddysgu.

I gynllunio a darparu ymyraethau penodol ar lefel 1:1 ac o fewn

• Grwpiau bach.
• Datblygu perthynas waith dda gyda dysgwyr a gweithredu fel mentor a model rôl iddynt.
• Cydweithio gyda thîm cynhwysiant ac athrawon yr ysgol i ddiwallu anghenion dysgwyr.

Agorwyd Ysgol Bro Teifi yn Medi 2016, yn dilyn buddsoddiad o £30m gan Gyngor Sir Ceredigion a Llywodraeth Cymru. Bro Teifi ydy'r ysgol pob-oed, cyfrwng Cymraeg cyntaf yng Nghymru ac mae'n cynnig cyfleusterau dysgu o'r radd flaenaf ar gyfer yr holl ddisgyblion, o'r lleiaf i'r hynaf.

Mewn arolwg Estyn diweddar (Tachwedd 2024) nodwyd fod ...'y ddarpariaeth ar gyfer cefnogi disgyblion ag anghenion dysgu ychwanegol (ADY) yn gryfder. O ganlyniad, mae'r rhan fwyaf o ddisgyblion ADY yn gwneud cynnydd cryf yn erbyn eu targedau..' Ers iddi agor mae nifer y disgyblion wedi cynyddu'n sylweddol ac ar hyn o bryd, mae oddeutu 850 o ddisgyblion yn yr ysgol gan gynnwys tua 85 yn y chweched dosbarth.

Mae'r gallu i weithio trwy gyfrwng y Gymraeg yn hanfodol ar gyfer y swydd.

Disgrifiad Swydd a Manyleb Person

Os am drafodaeth anffurfiol ynglwn â'r swydd hon, cysylltwch â Phennaeth Ysgol Bro Teifi, Mr Gareth Evans ar 01559 362503 neu drwy e-bost, EvansG304@broteifi.ceredigion.sch.uk.

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o'r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelua Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau'r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a'ch urddas yn hollbwysig i ni drwy gydol y broses recriwtio.

Yr hyn a gynigwn

Cydbwysedd bywyd a gwaith

Cynllun cynilo ffordd o fyw

Cynllun pensiwn cyflogwr hael

Cynllun beicio i'r gwaith

Dysgu a datblygu

Lle byddwch yn gweithio

Gwasanaeth Ysgolion a Diwylliant
Rydym yn cynnig her a chefnogaeth briodol i'n hysgolion, i'w helpu i gyflwyno addysg o'r radd flaenaf i bob disgybl, ar draws yr ystod oedran a gallu. Mae ein prif swyddogaethau yn cynnwys:

• Gwella Ysgolion: Arweinyddiaeth; Cefnogaeth a Her, Addysgu a Dysgu; Llythrennedd Digidol; Llythrennedd a Rhifedd; Cymraeg mewn Addysg
• Anghenion Dysgu Ychwanegol: Darpariaeth ar gyfer disgyblion ag Anghenion Dysgu Ychwanegol, Cynhwysiant; Presenoldeb; Seicoleg Addysg
• Lles Disgyblion: Cwnsela; Lles; Gwrth-fwlio, Llais Disgyblion
• Llywodraethu Addysg: Data; Cefnogaeth Llywodraethwyr, Cefnogaeth polisi
• Derbyniadau Ysgol
• Diwylliant: Gwasanaeth Cerdd; Cered; Theatr Felinfach; Amgueddfa
• Seilwaith ac Adnoddau: cynllunio lleoedd ysgol, moderneiddio a rhaglen ysgolion yr Unfed Ganrif ar Hugain, Adeiladau; Grantiau
• Arlwyo: Canolfannau Dydd; Ysgolion cynradd; Cartrefi preswyl
• Uned Gofal Plant: Asesiad Digonolrwydd Gofal Plant; Grant Gofal Plant a Chwarae; Cynnig Gofal Plant Cymorth busnes a hyfforddiant staff ar gyfer Darpariaeth Ôl Ysgol (Clybiau ar ôl Ysgol a Chlybiau Gwyliau); Meithrinfeydd Dydd, Cylchoedd Meithrin/Chwarae a Gwarchodwyr Plant

Llandysul Yn hanesyddol, Llandysul oedd canolbwynt diwydiant gwlân Cymru, lle cyflogid miloedd o bobl yn ystod y chwyldro diwydiannol.
Darllen mwy