Pennaeth - Ysgol Gynradd Gymraeg

Cyflog: 66,430 - 76,238 *

Ynglŷn â'r rôl
Yn sgil penodiad ein Pennaeth presennol i ysgol uwchradd o fewn yr ardal, mae Llywodraethwyr Ysgol Gymraeg Aberystwyth yn awyddus i benodi olynydd ymroddedig ac ysbrydoledig ar gyfer yr ysgol gynradd gymunedol boblogaidd hon. Lleolir Ysgol Gymraeg Aberystwyth ar gyrion tref glan y môr Aberystwyth yng Ngheredigion. Cymraeg yw prif gyfrwng gwaith a bywyd yr ysgol. Dyma ysgol Gymraeg benodedig gyntaf Cymru a sefydlwyd yn 1939 gan Syr Ifan ab Owen Edwards.

Mae Ysgol Gymraeg Aberystwyth yn ysgol gynradd fawr, hynod lwyddiannus, gyda 365 o ddisgyblion ar y gofrestr.Daw'r plant atom o dref Aberystwyth ac o'r ardaloedd gwledig cyfagos.

Mae holl waith a bywyd yr ysgol yn seiliedig ar dri nod cytûn ar gyfer ei disgyblion a'i staff, sef hybu balchder yn eu Cymreictod, parchu ei gilydd a gwneud eu gorau glas. Mae'r nodau hyn yn treiddio'n gryf iawn trwy holl weithgareddau'r ysgol. Mae llais y disgybl yn bwysig ac yn cael ei barchu drwy'r ysgol.

Rydym yn awyddus i sicrhau bod yr ysgol yn parhau i ffynnu ac yn manteisio ar gyfleoedd pellach i ragori yn y dyfodol. Rydym am benodi unigolyn profiadol sy'n meddu ar nodweddion arweinyddiaeth a rheolaeth rhagorol ac a fydd yn:

• hyrwyddo safonau cyflawniad uchel i bawb tra'n hyrwyddo cymuned gefnogol a chynhwysol
• annog ac yn cefnogi disgyblion i fod yn ddysgwyr annibynnolac uchelgeisiol
• ysbrydoli ac yn hybu datblygiad staff o ran addysgu a dysgu arloesol
• annog ymrwymiad rhieni a'r gymuned o fewn yr ysgol

Bydd gan yr ymgeisydd llwyddiannus y nodweddion canlynol:

• gweledigaeth glir o ran datblygiad yr ysgol hon sydd wedi ei hen sefydlu ac sy'n rhoi lle canolog i'r Gymraeg yn y gymuned
• y gallu i annog disgyblion i gofleidio'r diwylliant a'r iaith Gymraeg yn llawn ac i annog rhieni i gefnogi'r Gymraeg adref
• dealltwriaeth o arferion dysgu effeithiol ac ymrwymiad cryf i barhau i'w datblygu drwy'r ysgol yn y dyfodol
• medrau cadarn o ran cyfathrebu, ymwneud ag eraill, rheoli a threfnu
• dealltwriaeth o bwysigrwydd datblygiad unigol pob disgybl er mwyn iddynt gyflawni ei lawn botensial
• gwybodaeth gadarn am ddatblygiadau ac arferion addysgol cyfredol a gwir ddiddordeb yn y maes
• ymrwymiad i ddatblygiad proffesiynol parhaus ac i adeiladu tîmer mwyn sicrhau'r cyfleoedd gorau posib i bob disgybl
• ymrwymiad cryf i gyfoethogi'r cysylltiadau gyda'r Llywodraethwyr, y gymuned leol, ysgolion eraill a'r Urdd

Disgrifiad Swydd

Manyleb Person

Mae croeso i ymgeiswyr sy'n dymuno ymweld â'r ysgol cyn gwneud cais, wneud hynny drwy gysylltu â Nia Evans, Cadeirydd y Llywodraethwyr trwy EvansN410@hwbcymru.net i drefnu ymweliad. Am ragor o wybodaeth am y swydd hon, cysylltwch ag Elen Gwenllian Davies, Ymgynghorydd Cefnogi Ysgolion, ar 07970 000479 neu drwy e-bost elen.gwenllian.davies@ceredigion.gov.uk

Dyddiad Cau: Dydd Llun, y 24ain o Fawrth 2025 (hanner nos)

Cyfweliadau: Dydd Mawrth, 8fed o Ebrill 2025(gofynnir i ymgeiswyr sicrhau eu bod ar gael ar y diwrnod hwn) a gynhelir yng Nghanolfan Rheidol, Aberystwyth

Mae hwn yn hysbyseb ar gyfer swydd Pennaeth Yr Ysgol Gymraeg lle mae rhuglder llafar ac ysgrifenedig yn y Gymraeg a'r Saesneg yn hanfodol. Rhaid i bob ymgeisydd feddu ar gymhwyster CPCP.

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o'r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau'r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a'ch urddas yn hollbwysig i ni drwy gydol y broses recriwtio.

Yr hyn a gynigwn

Cydbwysedd bywyd a gwaith

Cynllun cynilo ffordd o fyw

Cynllun pensiwn cyflogwr hael

Cynllun beicio i'r gwaith

Dysgu a datblygu

Lle byddwch yn gweithio

Gwasanaeth Ysgolion a Diwylliant
Rydym yn cynnig her a chefnogaeth briodol i'n hysgolion, i'w helpu i gyflwyno addysg o'r radd flaenaf i bob disgybl, ar draws yr ystod oedran a gallu. Mae ein prif swyddogaethau yn cynnwys:

• Gwella Ysgolion: Arweinyddiaeth; Cefnogaeth a Her, Addysgu a Dysgu; Llythrennedd Digidol; Llythrennedd a Rhifedd; Cymraeg mewn Addysg
• Anghenion Dysgu Ychwanegol: Darpariaeth ar gyfer disgyblion ag Anghenion Dysgu Ychwanegol, Cynhwysiant; Presenoldeb; Seicoleg Addysg
• Lles Disgyblion: Cwnsela; Lles; Gwrth-fwlio, Llais Disgyblion
• Llywodraethu Addysg: Data; Cefnogaeth Llywodraethwyr, Cefnogaeth polisi
• Derbyniadau Ysgol
• Diwylliant: Gwasanaeth Cerdd; Cered; Theatr Felinfach; Amgueddfa
• Seilwaith ac Adnoddau: cynllunio lleoedd ysgol, moderneiddio a rhaglen ysgolion yr Unfed Ganrif ar Hugain, Adeiladau; Grantiau
• Arlwyo: Canolfannau Dydd; Ysgolion cynradd; Cartrefi preswyl
• Uned Gofal Plant: Asesiad Digonolrwydd Gofal Plant; Grant Gofal Plant a Chwarae; Cynnig Gofal Plant Cymorth busnes a hyfforddiant staff ar gyfer Darpariaeth Ôl Ysgol (Clybiau ar ôl Ysgol a Chlybiau Gwyliau); Meithrinfeydd Dydd, Cylchoedd Meithrin/Chwarae a Gwarchodwyr Plant

Aberystwyth Mae Aberystwyth yn dref brifysgol fywiog ac yn gyrchfan glan môr gyda phromenâd a phier. Yn ogystal dyma yw lleoliad y ddrama deledu atmosfferig Y Gwyll. Mae Aberystwyth yn lleoliad delfrydol i archwilio Llwybr Arfordir Cymru ar hyd Bae Cere...
Darllen mwy