Gweithiwr Allweddol - Dysgu Uned Cyfeirio Disgyblion (UCD)

Cyflog: Grade 6 | £29,269 - £32,076 PRO RATA

Mae'n hanfodol eich bod yn dangos sut rydych yn bodloni'r meini prawf 'hanfodol' a restrir yn y Fanyleb Person atodol, er mwyn sicrhau cyfweliad: Sut i wneud cais - canllaw i ymgeiswyr | Cyngor Bwrdeistref Sirol Torfaen .

Mae Uned Cyfeirio Disgyblion (UCD) Torfaen yn dymuno penodi gweithiwr allweddol brwdfrydig iawn gyda phrofiad ADY cyn gynted â phosibl. Mae hwn yn gyfle cyffrous i ymuno â thîm cefnogol. Bydd y rôl yn golygu darparu hyfforddiant ar-lein ac yn bersonol i grwpiau bach o ddisgyblion. Y meysydd pwnc fydd Saesneg a Mathemateg hyd at lefel TGAU.

Mae UCD Torfaen yn darparu profiadau addysg a dysgu i ddisgyblion oed uwchradd nad ydynt yn mynychu ysgol brif ffrwd ac y mae angen cymorth dysgu ychwanegol arnynt oherwydd anawsterau cymdeithasol, emosiynol a/neu ymddygiad. Mae'r gwasanaeth uned atgyfeirio yn rhan o ddarpariaeth arbenigol yr Awdurdod Lleol ac mae'n cynnwys tair canolfan. Yn ogystal, rydym yn darparu hyfforddiant tymor byr a gwasanaethau hyfforddiant meddygol fel y bo'n briodol. Mae ein canolfannau ym Mhont-y-pŵl, Y Dafarn Newydd ac Abersychan ac mae angen i staff deithio rhwng y safleoedd. Mae gennym gysylltiadau ardderchog gyda Gyrfa Cymru a Choleg Gwent. Mae Uned Cyfeirio Disgyblion Torfaen wedi ymrwymo i sicrhau bod pob disgybl yn cael mynediad at addysg a phrofiadau dysgu sy'n gofalu ac yn cefnogi anghenion cymdeithasol ac emosiynol unigol.

Yn UCD Torfaen ein nod yw creu gwasanaeth rhagorol sy'n diwallu anghenion ein holl ddisgyblion. Disgwylir i bob aelod o staff ddangos rhagoriaeth ym mhopeth a wnânt. Rydym yn disgwyl i bob aelod o staff yr UCD gael y disgwyliadau uchaf, y brwdfrydedd a'r gallu i gael effaith gadarnhaol ar brofiadau dysgu, sgiliau a lles ein disgyblion. Rydym yn gwerthfawrogi'r gallu i ddangos deallusrwydd emosiynol, i fod yn hyblyg ac i addasu i sefyllfaoedd gwahanol gydag ymdeimlad clir o hiwmor.

Efallai y bydd gofyn i ddeiliad y swydd ymgymryd â dyletswyddau eraill, sy'n briodol i'r swydd sy'n ofynnol gan yr uwch arweinwyr. Gall hyn gynnwys, er enghraifft, cefnogi yn y dosbarth, mynd ar deithiau ysgol a chludo disgyblion.

Rydym yn chwilio am weithiwr allweddol sy'n gallu:

• Cynllunio, paratoi a chyflwyno gwers Saesneg a Mathemateg ar-lein ac wyneb yn wyneb i ddisgyblion
• Asesu gwaith ac adrodd ar gynnydd disgyblion yn unol â chalendr yr ysgol
• Hwyluso'r broses sefydlu disgyblion ar gyfer disgyblion a atgyfeiriwyd i gael hyfforddiant
• Cyflwyno ymyriadau a chynnal asesiadau
• Paratoi proffiliau un dudalen gyda thargedau ar gyfer pob disgybl sy'n derbyn hyfforddiant
• Cynnal archwiliadau wythnosol gyda rhieni a gofalwyr
• Cymryd rhan ym mhrosesau sicrhau ansawdd yr ysgol
• Cymryd rhan mewn dysgu proffesiynol sy'n gysylltiedig â rôl ac anghenion UCD Torfaen

Anogir ymweliadau, ac os hoffech holi am y swydd hon, cysylltwch â Sarah Pugh, Pennaeth, neu Rhyanon Griffiths, Dirprwy Bennaeth ar 01495 742859.

Mae Sgiliau Iaith Gymraeg yn ddymunol ar gyfer y swydd hon ond nid yn hanfodol.

Mae'r swydd hon wedi'i heithrio o Ddeddf Adsefydlu Troseddwyr 1974). Bydd proses sgrinio gynhwysfawr yn cael ei chynnal ar bob ymgeisydd a fydd yn cynnwys gwiriad gyda'r Gwasanaeth Datgelu a Gwahardd).

Mae angen cofrestru gyda Chyngor y Gweithlu Addysg ar gyfer y swydd hon

Mae Cyngor Bwrdeistref Siriol Torfaen yn ymdrechu i fod yn gyflogwr teg, cefnogol ac effeithiol. Mae'r Cyngor wedi ymrwymo i ddiogelu a hyrwyddo llesiant plant, pobl ifanc ac oedolion sy'n agored i niwed. Mae'r Cyngor yn disgwyl i'w gyflogeion, boed yn gweithio am dâl neu'n ddi-dâl, i rannu'r ymrwymiad hwn.

Mae croeso i chi gyflwyno eich cais yn Gymraeg neu yn Saesneg. Bydd pob cais yn cael ei drin yn gyfartal.