Pennaeth Adran Saesneg - Ysgol Aberconwy

Cyflog: Prif Raddfa\/Graddfa Uchaf Cyflog i Athrawon + CAD1b

YSGOL ABERCONWY

PENNAETH ADRAN SAESNEG

O fis Ionawr 2025 bydd angen: Pennaeth Adran Saesneg

Mae hon yn swydd barhaol, amser llawn

Cyflog: Prif Raddfa/Graddfa Uchaf Cyflog i Athrawon + CAD1b

Dyddiad Cau: Dydd Gwener 4ydd Hydref 2024

Rydym yn awyddus i benodi Athro Saesneg brwdfrydig a llawn cymhelliant i arwain adran sydd eisoes yn un effeithiol. Bydd yr ymgeisydd llwyddiannus yn athro rhagorol a fydd yn arwain yr adran trwy esiampl i gyflawni eu targedau uchelgeisiol. Rydym yn annog ceisiadau gan athrawon gydag unrhyw brofiad sy'n teimlo y gallant ychwanegu gwerth i gyfadran sydd eisoes yn effeithiol iawn a ffynnu mewn amgylchedd dynamig a brwdfrydig.

Rhaid i'r ymgeisydd llwyddiannus:

• Fod yn athro Saesneg gydag ymarfer dosbarth sy'n 'Dda' neu'Rhagorol' yn gyson
• Fod yn eiriolwr brwd dros y pwnc sy'n cyfrannu'n effeithiol i welliannau adrannol ac ysgol gyfan
• Allu addysgu ar draws yr ystod oedran a'r ystod gallu lawn rhwng 11-18 oed.
• Ddangos gallu ac awydd i wneud cyfraniad llawn i fywyd yr ysgol
• Fod â disgwyliadau uchel ohonynt hwy eu hunain ac eraill
• Fod yn gyfathrebwr da gyda sgiliau rhyngbersonol rhagorol
• Fod yn hyblyg ac yn aelod da o dîm

Mae'r Adran Saesneg yn ganolbwynt yn Ysgol Aberconwy; rhywle lle mae myfyrwyr yn cael cyfle i ragori. Dros y tair blynedd diwethaf, llwyddodd yr adran i sicrhau cyfraddau uwch na'r lefelau cenedlaethol cyfartalog o ran nifer o fesurau, gan gynnwys graddau A-C. Yn ôl ein canlyniadau arholiad diweddaraf roedd ein cyfradd basio TGAU yn 63%, gyda sgôr pwyntiau llythrennedd cyfartalog o 39. Bydd yr ymgeisydd llwyddiannus yn ymuno ag adran flaengar, gan weithio'n galed i ddatblygu cyflwyniad y pwnc yn yr ysgol, i roi profiadau dysgu ystyrlon i ddisgyblion yn ogystal â chyfleoedd allgyrsiol ychwanegol gan gynnwys siaradwyr gwadd, teithiau (lleol a chenedlathol), teithiau i'r theatr a dathlu Diwrnod Llyfr y Byd!

Yn gyfnewid rydym yn cynnig:

• Ymrwymiad cryf i ddatblygiad proffesiynol;

• Ysgol â dyheadau uchel a chyfle gwirioneddol i wneud gwahaniaeth;
• Cyfle i helpu i lywio addysgu a dysgu a'n cwricwlwm amgen;
• Tîm ymroddedig a chefnogol o staff proffesiynol a llywodraethwyr;
• Cysylltiadau cryf ag ysgolion lleol eraill ar gyfer gweithio mewn partneriaeth a chefnogaeth;
• Ysbryd cymunedol cryf;
• Lle bywiog a diddorol i weithio ynddo.

Mae'n gyfnod cyffrous i ymuno ag Ysgol Aberconwy, ysgol gyfun gymysg sy'n cynnwys mwy na 1100 o ddisgyblion 11 i 18 oed. Mae campws newydd, eang yr ysgol wedi'i leoli ar lannau prydferth Afon Conwy, yn nhref ganoloesol Conwy, sydd ar arfordir Gogledd Cymru ac yn agos iawn i Barc Cenedlaethol Eryri. Fel ysgol MCP mae safon ein hadnoddau a'n gwaith cynnal a chadw yn eithriadol o dda ac rydym wedi datblygu enw da iawn yn lleol am ansawdd ein gofal bugeiliol yn ogystal â'n llwyddiant academaidd. Bydd niferoedd yr ysgol wedi codi 30% dros y pum mlynedd diwethaf ym mis Medi, ac rydym wedi datblygu canolfannau adnoddau arbenigol i gefnogi plant â dyslecsia, awtistiaeth ac anghenion dysgu eraill.

This form is also available in English