BETH YW GWEITHIWR IEUENCTID?

Rydym am helpu pobl ifanc i ddatblygu'r sgiliau personol a chymdeithasol sydd eu hangen arnynt i gyflawni eu llawn botensial.

Rydym yn cymryd yr amser i wrando ar bobl ifanc yn siarad am eu hoff a'u cas bethau, eu teimladau a'r problemau maent yn eu hwynebu - nid yn unig oherwydd mae hyn yn rhan allweddol o'r swydd, ond oherwydd mae hyn yn bwysig i ni. Mae ein cefnogaeth yn rhoi cyfle iddynt gwrdd â ffrindiau a phobl newydd a magu hyder.

Nid oes un diwrnod yr un peth mewn gwaith ieuenctid. Mae amrywiaeth y gwaith yn ei wneud yn bleserus ac yn ddiddorol. Rydym yn gweithio gydag ystod o asiantaethau ac rydym yn ymwneud â gwahanol fathau o brosiectau. Gall rhain amrywio o waith amgylcheddol, prosiectau celfyddydau a diwylliant i chwaraeon a gweithgareddau awyr agored.

Beth bynnag rydym yn gwneud, rydym yn ei wneud gyda thrugaredd

Gwelir ein brwdfrydedd tuag at gefnogi pobl ifanc yn ein profiad a'n hymrwymiad i'n datblygiad proffesiynol ein hunain. Gall y rôl amrywio ac weithiau bydd angen i ni weithio ar fenter ein hun neu oruchwylio staff cymorth a gwirfoddolwyr. Rydym yn dilyn polisïau ein sefydliad i sicrhau ein bod yn darparu gwasanaeth o ansawdd uchel i bob person ifanc a grŵp cymunedol.