Cynorthwyydd Addysgu Lefel 3 (Iaith Gymraeg)

Cyflog: £27,459 - £30,722

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Ynglŷn â'r swydd wag

Cyfeirnod y Swydd Wag: 3585

Sefydliad:

Cyngor Sir Caerfyrddin

Nifer y swyddi gwag:

1

Math o gontract:

Parhaol - Yn Ystod y Tymor yn Unig

Lleoliad:

Sir Gaerfyrddin

Gradd:

Gradd E +4%

Cyflog:

£27,459 - £30,722

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£14.23 - £15.92

Oriau Contract:

32 awr 30 munud

Dewch i ymuno â'n tîm

Gwasanaeth y Gymraeg mewn Addysg

Yn eisiau erbyn 1 Medi 2026 neu cyn gynted â phosibl wedi hynny

Cynorthwyydd Addysgu Lefel 3 (Iaith Gymraeg)

Cyfle Cyffrous i Ymuno â Gwasanaeth Y Gymraeg mewn Addysg

Dyma gyfle unigryw i wneud gwahaniaeth gwirioneddol drwy gefnogi gweithrediad un o brif flaenoriaethau'r Cyngor.

• Ydych chi'n angerddol am gefnogi dysgwyr i ddatblygu eu Cymraeg?
• A allwch chi greu amgylchedd cynnes, diogel ac ysbrydoledig i ddysgwyr sy'n newydd i'r iaith?
• Ydych chi'n awyddus i chwarae rôl allweddol mewn canolfan drochi flaengar ac i gefnogi ysgolion ar draws yr awdurdod?

Gweledigaeth y Bartneriaeth Trochi Iaith Gymraeg yn Sir Gâr yw: G rymuso pob dysgwr i ddod yn siaradwr Cymraeg hyderus a balch.

Mae ein gwerthoedd craidd yn disgrifio'r egwyddorion sy'n ein harwain, yn siapio ein hymddygiad ac yn diffinio pwy ydym ni fel tîm a phartneriaeth:

Cymreictod - Creadigrwydd - Cydraddoldeb - Dyfalbarhad

Y Rôl

Mae Cyngor Sir Caerfyrddin yn chwilio am Gynorthwyydd Addysgu Lefel 3 rhagorol, creadigol ac ymroddedig i ymuno â'n Bartneriaeth Trochi Iaith Cymraeg.

Bydd deiliad y swydd yn:

• Cefnogi'r athro/athrawes wrth ddarparu profiad trochi iaith o safon uchel i ddisgyblion sy'n newydd i addysg cyfrwng Cymraeg
• Gweithio'n uniongyrchol gyda grwpiau bach ac unigolion i ddatblygu hyder a rhuglder yn y Gymraeg
• Monitro cynnydd dysgwyr a chofnodi arsylwadau i lywio camau nesaf
• Addasu adnoddau a gweithgareddau i ddiwallu anghenion unigol
• Cefnogi dulliau caffael iaith, gan gynnwys chwarae, gweithgareddau rhyngweithiol a strategaethau trochi
• Cefnogi dysgwyr ag anghenion dysgu ychwanegol, gan ddefnyddio dulliau sy'n ymwybodol o drawma a niwrowahaniaeth
• Cydweithio'n agos â rhieni/gwarcheidwaid, arweinwyr ysgolion ac asiantaethau partner
• Gweithio gyda chydweithwyr mewn canolfannau trochi eraill yn lleol ac thu hwnt

Bydd y rôl yn allweddol wrth sicrhau darpariaeth drochi ardderchog ac ecwiti i bob dysgwr.

Beth mae ein dysgwyr yn ei ddymuno

• Rhywun sy'n gwrando ac yn ein trin gyda pharch
• Rhywun sy'n ein helpu i deimlo'n ddiogel ac yn hyderus
• Gweithgareddau diddorol, creadigol ac ysbrydoledig
• Cefnogaeth a annogaeth pan fydd pethau'n anodd
• Rhywun sy'n ein gwneud i ni deimlo'n rhan o dîm ac yn dathlu ein llwyddiannau

Beth allwn ni ei gynnig

• Cyfle i wneud gwahaniaeth gwirioneddol i fywydau dysgwyr sy'n dechrau ar eu taith Gymraeg
• Amgylchedd gwaith cefnogol a chydweithredol gyda thîm angerddol ac ymroddedig
• Cyfleoedd datblygu proffesiynol rhagorol, gan gynnwys hyfforddiant arbenigol ym maes trochi a chaffael iaith
• Profiad gwerthfawr o weithio o fewn system addysg yr awdurdod lleol
• Mynediad at adnoddau o ansawdd uchel ac arferion arloesol
• Diwylliant sy'n gwerthfawrogi lles staff, cydweithio a rhannu arfer dda

Ydych chi'n barod i ymuno â ni?

Os ydych chi'n barod am her, yn arloesol ac yn angerddol am gefnogi caffael yr iaith Gymraeg, hoffem glywed gennych.

Am sgwrs anffurfiol, mae croeso cynnes i chi gysylltu â: Chris Newcombe - CJNewcombe@sirgar.gov.uk

Disgrifiad Swydd:

proffil-swydd-job-profile - TA3.pdf - 177KB ~~EFORM_FILE_NEW_WINDOW~~

Dyddiad disgwyliedig y cyfweliad:

29 Gorffennaf 2026

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 5 - Bydd angen ichi allu cyfathrebu'n rhugl yn y Gymraeg. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 16/07/2026, 12:00

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol.

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.