Rheolwr Gweithrediadau Ystadau a Chyfleusterau CC/3219

Cyflog: £52,333 - £59,175

Disgrifiad Swydd a Manyleb Person

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Rheolwr Gweithrediadau Ystadau a Chyfleusterau

Rydyn ni'n croesawu ymgeiswyr o bob cefndir i ymuno â'n tîm cefnogol. Yn y swydd hon, byddwch chi'n darparu arweiniad strategol a rheoli gweithredol ar draws ein pum safle i sicrhau amgylchedd dysgu diogel, cynaliadwy o ansawdd uchel i'n myfyrwyr a'n staff. Byddwch chi'n llywio strategaeth hirdymor ar gyfer cyfleusterau, gan gynnal goruchwyliaeth uniongyrchol ar weithrediadau dyddiol ar draws pob safle.

Beth Fyddwch chi'n ei Wneud

• Arwain, hyfforddi a rheoli gweithrediadau dyddiol tîm amlddisgyblaethol ar draws pum safle.
  
• Goruchwylio cynnal a chadw cynlluniedig ac ataliol, atgyweiriadau ymatebol y ddesg gymorth, gwasanaethau cyfleusterau meddal, tiroedd, cydymffurfiaeth fflyd, a'r trawsnewid i gerbydau trydan.
  
• Arwain ar ddyrannu gofod ar y safle a rheoli prosiectau gwella ystadau lefel isel sy'n galluogi ac yn cefnogi'r gallu i gyflwyno'r cwricwlwm yn uniongyrchol.
  
• Sicrhau cydymffurfiaeth statudol lawn ar draws y "Chwech Mawr" (Legionella, Asbestos, Nwy, Trydan, Tân, a Rheoliadau Gweithrediadau Codi ac Offer Codi (LOLER)) a rheoli Rheoliadau Adeiladu (Dylunio a Rheoli) 2015.
  
• Arwain ar ddiogelwch y safle, llywodraethu Teledu Cylch Cyfyng (yn unol â GDPR y DU), a gweithredu fel y prif gyswllt ar gyfer unrhyw argyfwng a pharhad busnes ar gyfer digwyddiadau y tu allan i oriau gwaith.
  
• Arwain mentrau cynaliadwyedd i gefnogi targedau 'Sero Net' Llywodraeth Cymru wrth reoli cyllidebau ystadau a chontractau cylch oes.
  

Gofynion Hanfodol

• Diploma L5 mewn IWFM, Rheoli Adeiladu, Arolygu Adeiladau, neu Beirianneg (neu brofiad cyfatebol).
  
• Profiad profedig mewn swydd rheoli cyfleusterau/ystadau cynhwysfawr, gan gynnwys arwain tîm, rheoli contractau, a goruchwylio cyllidebau.
  
• Gwybodaeth dechnegol gadarn o feysydd cydymffurfiaeth statudol y "Chwech Mawr" a Rheoliadau Adeiladu (Dylunio a Rheoli) 2015.
  
• Ymrwymiad i ddiogelu pobl ifanc ac oedolion sy'n wynebu perygl.
  

Hyblygrwydd ac Addasiadau

• Opsiynau Gweithio: Rydyn ni'n cefnogi gweithio hyblyg ar draws ein holl safleoedd, ac yn barod i drafod trefniadau sy'n ymwneud â hyn.
  
• Addasiadau Cyfweliad: Rhowch wybod i ni os oes angen unrhyw addasiadau neu drefniadau digidol arnoch chi yn ystod y broses gyfweld (gan gynnwys addasiadau sy'n ymwneud â thrwydded yrru os ydy hyn mewn perthynas ag anabledd).
  
• Iaith: Rydyn ni wedi ymrwymo i hyrwyddo'r iaith a'r diwylliant Cymraeg, ac mae croeso mawr i geisiadau sy'n cael eu cyflwyno drwy'r Gymraeg.
  

Eisiau gwybod rhagor? Am sgwrs anffurfiol am y swydd a'n hamgylchedd gwaith, cysylltwch ag Alex Evans ar recriwtio@cambria.ac.uk .

Dymunol ydy sgiliau'r Gymraeg ar gyfer y swydd hon. Rydym yn chwilio am ymgeiswyr sy'n gallu ein helpu ni i ehangu ein darpariaeth a'n gwasanaethau dwyieithog.

Nod Coleg Cambria ydy hyrwyddo ac ymgorffori'r Gymraeg a diwylliant Cymru yn rhagweithiol. Rydym wedi ymrwymo i ddarparu cyfleoedd a chefnogi ein cydweithwyr i ddatblygu eu sgiliau Cymraeg mewn lleoliadau ffurfiol ac anffurfiol. Mae hyn yn cynnwys gallu dilyn cynlluniau hyfforddiant Cymraeg yn ogystal â thaliadau anogaeth ar gyfer darpariaeth a gwasanaethau dwyieithog.

Rydym yn annog ceisiadau yn y Gymraeg yn fawr. Ni fydd ceisiadau a gyflwynwyd yn y Gymraeg yn cael eu trin yn llai ffafriol na cheisiadau a gyflwynwyd yn Saesneg.

Bydd ffurflenni cais, deunydd esboniadol, gwybodaeth am y broses gyfweld a dulliau asesu a disgrifiadau swydd i gyd ar gael yn Gymraeg.

Mae Coleg Cambria yn gyflogwr 'Hyderus o ran Anableddau'.

Rydyn ni'n adeiladu coleg sy'n adlewyrchu'r gymuned fywiog ac amrywiol rydyn ni'n ei gwasanaethu. Rydyn ni'n croesawu ac yn annog ceisiadau gan unigolion o bob cefndir, yn enwedig y rhai o grwpiau heb gynrychiolaeth ddigonol.

Mae Coleg Cambria wedi ymrwymo i ddiogelu pob dysgwr, ac rydym yn disgwyl i bob aelod o staff rannu'r ymrwymiad hwn.

Mae'r rôl hon wedi'i chynnwys o dan Orchymyn Deddf Adsefydlu Troseddwyr 1974 (Eithriadau) ac wedi'i dosbarthu fel gweithgaredd rheoleiddiedig.

Mae'n ofynnol felly cael gwiriad DBS Uwch gyda Rhestr Waharddedig, ac mae'n rhaid i ymgeiswyr ddatgelu pob rhybudd a chollfarn yn cynnwys unrhyw rai sydd wedi darfod. Mae'n drosedd gwneud cais os ydych wedi'ch gwahardd rhag gweithio gyda phlant. Ni fydd datgelu yn atal cyflogaeth yn awtomatig; cynhelir asesiad risg ond efallai y byddwn yn ystyried bod rhai euogfarnau / rhybuddion yn golygu eu bod nhw'n anaddas i weithio gyda phlant.

Yn dibynnu ar y swydd, efallai y bydd angen i ymgeiswyr llwyddiannus gofrestru gyda Chyngor y Gweithlu Addysg hefyd.

Fel arfer mae swyddi'n cael eu hysbysebu gydag ystod cyflog. Os cewch gynnig swydd yn y coleg, bydd profiad perthnasol yn cael ei ystyried er mwyn pennu eich cyflog cychwynnol.

Sylwer fod Coleg Cambria yn cadw'r hawl i gau'r rhestr ymgeiswyr yn gynnar ar gyfer unrhyw swydd pe byddwn yn derbyn nifer fawr o geisiadau. Byddwn yn argymell eich bod yn cwblhau eich cais cyn gynted â phosibl os hoffech gael eich ystyried ar gyfer y swydd hon.

Buddion

Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar ein safle yng Nglannau Dyfrdwy

Gostyngiadau ar ystod o gyrsiau gyda'r nos y coleg

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai

Absenoldeb mamolaeth, mabwysiadu a thadolaeth estynedig