Cynorthwyydd Addysgu Lefel 2 - Ysgol Uwchradd Frenhinol Elisabeth, Caerfyrddin

Cyflog: £27,485 - £28,365

Ynglŷn â'r swydd wag

Cyfeirnod y Swydd Wag: 3969

Sefydliad:

Ysgolion

Nifer y swyddi gwag:

3

Math o gontract:

Dros Dro/Secondiad - Yn Ystod y Tymor yn Unig

Dyddiad gorffen y contract:

31 Awst 2027

Lleoliad:

Caerfyrddin

Gradd:

Gradd D +4%

Cyflog:

£27,485 - £28,365

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£14.25 - £14.70

Oriau Contract:

30 Awr

Dewch i ymuno â'n tîm

Yn ofynnol cyn gynted â phosibl, rydym yn chwilio am Gynorthwyydd Addysgu Lefel 2 brwdfrydig ac ymroddedig i ymuno â'n cymuned ysgol lewyrchus a chefnogi addysgu a dysgu ar draws yr ysgol.

Bydd yr ymgeisydd llwyddiannus yn unigolyn brwdfrydig, gofalgar ac ymroddedig sy'n awyddus i helpu pob disgybl i gyflawni ei botensial. Byddwch yn gweithio'n agos gydag athrawon ac aelodau eraill o'r tîm cymorth i ddarparu cymorth effeithiol i ddisgyblion, yn yr ystafell ddosbarth ac ar draws amgylchedd ehangach yr ysgol.

Rydym yn chwilio am unigolyn sy'n angerddol am gefnogi pobl ifanc ac sy'n gallu meithrin perthnasoedd cadarnhaol a pharchus gyda disgyblion. Bydd gan yr ymgeisydd llwyddiannus agwedd gadarnhaol ac amyneddgar, sgiliau cyfathrebu rhagorol a'r gallu i weithio'n effeithiol fel rhan o dîm. Byddwch yn ymrwymedig i hyrwyddo cynhwysiant a sicrhau bod pob disgybl yn cael ei gefnogi i ymgysylltu'n gadarnhaol â'i ddysgu.

Fel Cynorthwyydd Addysgu Lefel 2, byddwch yn cyfrannu at greu amgylchedd dysgu diogel, cefnogol ac ysgogol. Efallai y byddwch yn gweithio gyda disgyblion unigol neu grwpiau bach, gan gefnogi gweithgareddau dysgu, annog annibyniaeth a helpu disgyblion i ddatblygu eu hyder, eu sgiliau a'u gwydnwch.

Mae Caerfyrddin, tref farchnad fywiog ar gyrion Dyffryn Tywi hardd, yn gartref i ysgol gyfun arloesol sy'n ymgorffori ysbryd 'Gofalu, Dysgu, Arwain'. Mae ein hysgol wedi ymrwymo i feithrin amgylchedd cefnogol lle gall disgyblion ffynnu'n academaidd ac yn bersonol. Drwy feithrin diwylliant o ofal, dysgu parhaus ac arweinyddiaeth gadarnhaol, ein nod yw darparu'r wybodaeth, y sgiliau a'r profiadau sydd eu hangen ar ein disgyblion ar gyfer dyfodol llwyddiannus.

Os ydych yn frwdfrydig am weithio gyda phobl ifanc ac yn awyddus i wneud gwahaniaeth cadarnhaol i fywydau ein disgyblion, byddem yn falch iawn o glywed gennych.

I gael rhagor o wybodaeth am y swydd, neu os hoffech drefnu ymweliad â'r ysgol, cysylltwch â Jenna Davies drwy e-bost: Jenna.Davies@qehs.carms.sch.uk .

Disgrifiad Swydd:

Teaching Assistant Level 2 (September 2026).pdf - 325KB ~~EFORM_FILE_NEW_WINDOW~~

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 1 - Bydd angen gwybodaeth sylfaenol am y Gymraeg arnoch. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 15/10/2026, 23:55

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol.

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Hawl i weithio: Rhaid i bob cyflogwr yn y DU gynnal gwiriad Hawl i Weithio cyn i weithiwr newydd ddechrau gwaith. Mae hyn yn ofyniad cyfreithiol o dan Ddeddf Mewnfudo, Lloches a Chenedligrwydd 2006 ac mae'n berthnasol i bob gweithiwr, waeth beth fo'u cenedligrwydd.

Gofynnir i bob ymgeisydd am ei genedligrwydd ac a ganiateir iddo weithio yn y Deyrnas Unedig yn gyfreithlon. Pwrpas hyn yw cadarnhau a ydych yn gymwys i wneud cais am y swydd wag ac i weithio i'r Cyngor neu ei sefydliadau partner.

Mae gan Gyngor Sir Caerfyrddin drwydded nawdd ddilys. Fodd bynnag, rhaid i ymgeiswyr sydd angen nawdd o dan y llwybr Gweithiwr Medrus fodloni'r holl feini prawf cymhwysedd a nodir gan Lywodraeth y DU o dan y system fewnfudo sy'n seiliedig ar bwyntiau. Cyn cyflwyno cais, dylech wirio a yw'r rôl yn bodloni'r meini prawf cymhwysedd yng nghanllawiau Llywodraeth y DU: Skilled Worker visa: Overview - GOV.UK . Sylwer: Os nad ydych chi'n bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach nad ydych chi'n gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.