Dirprwy Bennaeth - Ysgol Gymraeg Dewi Sant

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Ynglŷn â'r swydd wag

Cyfeirnod y Swydd Wag: 3027

Sefydliad:

Ysgolion

Nifer y swyddi gwag:

1

Math o gontract:

Parhaol Amser Llawn

Lleoliad:

Llanelli

Gradd:

Penaethiaid/Penaethiaid Cynorthwyol/Dirprwy Benaethiaid - Cyflog ac Amodau

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyflog o:

L11 - £67,531

Cyflog i:

L15 - £74,384

Oriau Contract:

1:00

Dewch i ymuno â'n tîm

Mae'r Corff Llywodraethu yn gwahodd ceisiadau gan ymgeiswyr brwdfrydig, ymroddedig ac ysbrydoledig ar gyfer swydd Dirprwy Bennaeth yn Ysgol Gymraeg Dewi Sant.

Ysgol gymunedol ddynodedig Gymraeg yw'r ysgol, wedi'i lleoli ar gyrion tref Llanelli, sy'n darparu addysg i ddisgyblion rhwng 3 ac 11 oed. Mae'r ysgol yn ffynnu, gyda 461 o ddisgyblion ar y gofrestr, ac mae ganddi enw da iawn o fewn y gymuned leol.

Derbyniodd yr ysgol arolygiad cadarnhaol gan Estyn ym mis Tachwedd 2024, a chafodd ei chydnabod fel cymuned gartrefol a chynhwysol sy'n hyrwyddo lles disgyblion a staff yn hynod effeithiol, gyda safonau ymddygiad a dysgu uchel.

Rydym yn chwilio am arweinydd deinamig a chydweithredol a fydd yn:

• Gydweithio'n effeithiol gyda'r Pennaeth, y Corff Llywodraethu a'r staff

• Arwain a chefnogi datblygiad addysgu a dysgu o ansawdd uchel

• Cyfrannu at weledigaeth strategol yr ysgol a'i datblygiad parhaus

• Hyrwyddo safonau uchel o gyrhaeddiad, ymddygiad a lles

Bydd ein hymgeisydd llwyddinnus yn chwarae rôl allweddol wrth gynnal a datblygu ethos cryf Cymreig yr ysgol, lle mae'r Gymraeg a diwylliant Cymru yn ganolog i bob agwedd o fywyd ysgol.

Mae'r ysgol yn cynnig:

• Amgylchedd gwaith cefnogol a chydweithredol

• Tîm staff ymroddedig a phrofiadol

• Disgyblion brwdfrydig a pharchus

• Cyfleoedd i ddatblygu arweinyddiaeth ymhellach

Dyddiad cau: 20/4/2026

Dyddiad cyfweliadau: 6/5/2026

Am ragor o wybodaeth neu i drefnu ymweliad anffurfiol, cysylltwch â'r ysgol ar 01554 750081. Mae croeso cynnes i ymgeiswyr ymweld cyn gwneud cais.

Yn gywir, Mr M. Bassett Cadeirydd y Corff Llywodraethu

Disgrifiad Swydd:

Pecyn Gwybodaeth Swydd Dirpwy YGDS 2026.pdf - 1174KB ~~EFORM_FILE_NEW_WINDOW~~

Dyddiad disgwyliedig y cyfweliad:

6 Mai 2026

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 5 - Bydd angen ichi allu cyfathrebu'n rhugl yn y Gymraeg. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 20/04/2026, 23:55

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. ">Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.