Weithiwr Tîm Cymorth i Deuluoedd

Cyflog: Grade 7 - £32,061 - £35,412

A ydych chi'n angerddol am wneud gwahaniaeth gwirioneddol i fywydau plant, pobl ifanc a theuluoedd?

Rydym yn chwilio am Weithiwr Tîm Cymorth i Deuluoedd ymroddedig a thosturiol i ymuno â'n tîm ymroddedig yn Sir Benfro. Dyma gyfle cyffrous i chwarae rhan hanfodol yn y gwaith o ddarparu gwasanaethau ymyrraeth gynnar, atal a chymorth i deuluoedd â phlant a phobl ifanc 0-25 oed.

Os ydych chi'n credu mewn grymuso teuluoedd, meithrin gwytnwch, a helpu cymunedau i ffynnu - byddem wrth ein bodd yn clywed gennych chi.

Ynglŷn âr rôl

Fel Gweithiwr Tîm Cymorth i Deuluoedd, byddwch yn gweithredu fel gweithiwr allweddol ar gyfer teuluoedd, gan feithrin cydberthnasau dibynadwy a gweithio mewn partneriaeth er mwyn gwneud y canlynol:

• Nodi cryfderau, anghenion a dyheadau
• Datblygu cynlluniau cymorth wedi'u teilwra
• Cryfhau rhwydweithiau cymorth anffurfiol a ffurfiol

• Gwella canlyniadau i blant a phobl ifanc
• Galluogi teuluoedd i gyflawni eu hamcanion a chyrraedd eu llawn botensial

Byddwch yn gweithio'n uniongyrchol â theuluoedd ledled Sir Benfro, gan ddarparu canllawiau ymarferol, cymorth cynnar, a chefnogaeth ataliol i leihau uwchgyfeiriadau i wasanaethau mwy dwys.

Mae'l hon yn cyfrannu at nodau ataliol ehangach y Grant Plant a Chymunedau, gan gefnogi datrysiadau cynaliadwy, cymunedol i deuluoedd.

Beth fyddwch chi'n ei wneud

• Darparu cefnogaeth o ansawdd uchel, sy'n seiliedig ar gryfderau i weithwyr allweddol
• Cwblhau asesiadau a chyd-lunio cynlluniau gweithredu gyda theuluoedd
• Cydweithio ag asiantaethau partner a gweithwyr proffesiynol
• Cefnogi teuluoedd i gael mynediad at wasanaethau ac adnoddau priodol yn y gymuned
• Cynnal cofnodion manwl gywir a chyfrannu at y gwaith o werthuso gwasanaethau
• Ymgymryd â chyfrifoldebau gweithiwr allweddol fel y cytunwyd arnynt yn ystod sesiynau goruchwylio

Yr hyn rydym yn chwilio amdano

Rydym yn chwilio am unigolyn sydd:

• Â phrofiad o weithio gyda phlant, pobl ifanc a theuluoedd
• Yn deall dulliau ataliol ac ymyrraeth gynnar
• Yn gallu meithrin cydberthnasau cadarnhaol a phroffesiynol sy'n seiliedig ar ymddiriedaeth
• Yn hyderus i weithio'n annibynnol ac fel rhan o dîm aml-asiantaeth
• Yn meddu ar sgiliau cyfathrebu, trefnu a datrys problemau cryf
• Wedi ymrwymo i ddiogelu a hyrwyddo llesiant

Byddai cymhwyster perthnasol mewn gofal plant, iechyd a gofal cymdeithasol, gwaith ieuenctid, neu faes cysylltiedig yn ddymunol.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.


Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Nodyn Canllaw: Defnyddio Deallusrwydd Artiffisial a Chywirdeb Gwybodaeth:

• Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
• Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal âr dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.


Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch âm Recriwtio os oes gennych unrhyw ymholiadau yn ymwneud âr swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.

Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol