MANYLION.
  • Lleoliad: Heb ei ddarparu
  • Pwnc: Heb ei ddarparu
  • Oriau: Llawn amser
  • Cytundeb : Heb ei ddarparu
  • Dyddiad Dechrau: Heb ei ddarparu
  • Dyddiad Gorffen: Heb ei ddarparu
  • Math o gyflog : Per annum
  • Cyflog : Grade 4 | £27,709 - £29,542 PRO RATA
  • Iaith: Unrhyw
  • Dyddiad Cau: 30 Tachwedd, 2026 12:00 y.b
Ymgeisiwch Nawr (CY)

Ymgeisiwch Nawr (EN)

Byddwch yn cael eich cymryd i dudalen allanol i gwblhau eich cais.

Swyddog Cymorth Ysgol – Ysgol Gynradd Nant Celyn

Torfaen Local Authority

Cyflog: Grade 4 | £27,709 - £29,542 PRO RATA

Yr wyneb sy'n croesawu pobl i'n hysgol!

Mae Ysgol Gynradd ac Ysgol Feithrin Nant Celyn yn dymuno penodi Swyddog Cymorth Ysgol sy'n frwdfrydig, yn drefnus ac yn broffesiynol, i ymuno â'n tîm gweinyddol cyfeillgar ac ymroddgar.

Yn bwynt cyswllt cyntaf i ddisgyblion, teuluoedd, staff ac ymwelwyr, mi fyddwch yn chwarae rôl hanfodol wrth greu profiad cadarnhaol i bawb sy'n dod i'r ysgol. Mae hyn yn llawer mwy na rôl derbynfa; mae'n gyfle i wneud gwahaniaeth go iawn, bob dydd, mewn cymuned ysgol fywiog a chynhwysol. Rydym yn chwilio am rywun cynnes ei natur, sy'n hawdd mynd atoch. Mi fyddwch yn hynod drefnus, a bydd gennych sgiliau cyfathrebu rhagorol a'r gallu i gadw'n ddigynnwrf ac yn effeithlon mewn amgylchedd ysgol prysur.

Ynglŷn â'r swydd

Fel Swyddog Cymorth Ysgol, byddech yn darparu gwasanaeth 'cyswllt cyntaf' proffesiynol a chroesawgar. Mi fydd gofyn i chi rhoi ystod eang o gymorth gweinyddol, rheoli'r cyfathrebu, cadw cofnodion cywir a gweithio ar y cyd gyda staff a theuluoedd i sicrhau bod swyddfa'r ysgol yn rhedeg yn effeithlon o ddydd i ddydd.

Amdanoch chi

Rydym yn chwilio am unigolyn trefnus, hyderus, proffesiynol a hawdd mynd ato. Bydd gennych sgiliau rhagorol o ran cyfathrebu a gweinyddu, hyderus iawn wrth ddefnyddio TG, y gallu i roi sylw i fanylion a rheoli llwyth gwaith amrywiol mewn swyddfa ysgol brysur. Byddai profiad o weithio mewn swyddfa ysgol neu leoliad gweinyddol tebyg yn fanteisiol, ond yn bennaf rydym yn chwilio am rywun a all ffynnu mewn amgylchedd heriol.

Pam ymuno ag Ysgol Gynradd Nant Celyn?

Mae Ysgol Gynradd Nant Celyn yn ysgol lwyddiannus a chynhwysol sydd wedi'i lleoli ar gyrion Cwmbrân mewn amgylchedd dysgu modern a phwrpasol. Rydym yn derbyn hyd at 420 o ddisgyblion 4-11 oed. Mae gennym ddarpariaeth Meithrin a chanolfannau adnoddau arbenigol sy'n cefnogi dysgwyr ag awtistiaeth a nam ar eu clyw. Mae cynhwysiant, llesiant a dysgu o ansawdd uchel wrth wraidd popeth a wnawn. Rydym yn ymfalchïo yn ein gallu i greu amgylchedd cefnogol lle caiff staff eu gwerthfawrogi, eu parchu a'u hannog i ddatblygu'n broffesiynol.

Ymunwch â ni a'n helpu i wneud i ddiwrnod pob plentyn ddechrau gyda chroeso cynnes!

Am drafodaeth anffurfiol am y rôl, cysylltwch â Haidee Clarke:

Rhif ffôn: 01633 624170

E-bost: haidee.clarke@torfaen.gov.uk

Mae'n hanfodol eich bod yn dangos sut rydych yn bodloni'r meini prawf Hanfodol a restrir yn y Fanyleb Person atodol, er mwyn sicrhau cyfweliad: Sut i wneud cais Canllaw i ymgeiswyr Cyngor Bwrdeistref Sirol Torfaen .

Mae'r swyddhon wedi' iheithrio o Ddeddf Adsefydlu Troseddwyr 1974. Bydd proses sgrinio gynhwysfawr yn cael ei chynnal ar gyfer pob ymgeisydd a fydd yn cynnwys gwiriad Manwl gyda'r Gwasanaeth Datgelua Gwahardd.

Mae Cyngor Bwrdeistref Siriol Torfaen yn ymdrechu i fod yn gyflogwr teg, cefnogol ac effeithiol. Mae'r Cyngor wedi ymrwymo i ddiogelu a hyrwyddo llesiant plant, pobl ifanc ac oedolion sy'n agored i niwed. Mae'r Cyngor yn disgwyl i'w gyflogeion, boed yn gweithio am dâl neu'n ddi-dâl, i rannu'r ymrwymiad hwn. Rydym yn gwerthfawrogi'r ystod o brofiadau a ddaw yn sgil gweithlu amrywiol ac felly rydym yn croesawu ceisiadau gan bobl o bob cefndir a grwpiau sy'n cael eu tangynrychioli.

Mae sgiliau iaith Gymraeg yn ddymunol ar gyfer y rôl hon ond nid ydynt yn hanfodol. Mae croeso i chi gyflwyno eich ffurflen gais yn Gymraeg neu yn Saesneg. Bydd pob cais yn cael ei drin yn gyfartal.

Rydyn ni wedi cofrestru fel ArweinyddHyderus o ran Anabledd, ac ymrwymo i gyflogi a datblygu gyrfaoedd pobl anabl. Mae ein Cynllun Gwarantu Cyfweliad yn gwarantu y bydd pobl ag anableddau yn cael eu gwahodd i gyfweliad, ar yr amod eu bod yn bodloni'r gofynion hanfodol ar gyfer y rôl. Os oes gennych gyflwr iechyd, os ydych yn niwroamrywiol, neu'n defnyddio Iaith Arwyddion Prydain, a hoffech drafod addasiadau rhesymol, cysylltwch â'r rheolwr recriwtio. Gallwn weithio gyda chi i drefnu addasiadau os ydym yn gwybod pa ofynion sydd gennych, cyn i chi gyflwyno'ch cais, sefyll prawf neu ddod i gyfweliad.

Gwnewch yn siŵr mai drwy wefan swyddi gwag Cyngor Torfaen yn unig yr ydych chi'n gwneud cais am y swydd hon. Nid ydym yn derbyn CVs na cheisiadau sy'n cael eu cyflwyno ar unrhyw wefannau eraill.