Welsh Specialist Teacher of Specific and General Learning Difficulties

Cyflog: Teachers Main Scale & SEN2

Welsh Specialist Teacher of Specific and General Learning Difficulties

Disgrifiad Swydd
Athro Arbenigol disgyblion ag Anawsterau Dysgu Penodol a Chyffredinol (Llythrennedd a Rhifedd)

Prif Raddfa Gyflog ynghyd â Lwfans SEN2

Dyddiad Dechrau: 06/01/25

Mae Gwasanaeth Mynediad a Chynhwysiant Rhondda Cynon Taf yn dymuno penodi Athro Cymraeg Arbenigol sydd â'r cymwysterau a'r profiad priodol o ddisgyblion gydag Anawsterau Dysgu Penodol a Chyffredinol.

Mae hwn yn gyfle cyffrous i weithio gyda disgyblion ag Anawsterau Dysgu Penodol a Chyffredinol ledled RhCT. Bydd yr ymgeisydd llwyddiannus yn cefnogi model darparu Gwasanaeth Cynnal Dysgu i ddarparu hyfforddiant, cefnogaeth o ran ymyrraeth a chyngor i ysgolion i ddiwallu anghenion disgyblion unigol ag Anawsterau Dysgu Penodol a Chyffredinol.

Yn ddelfrydol, bydd gan yr ymgeisydd llwyddiannus brofiad o weithio gyda disgyblion ag Anghenion Dysgu Penodol a bydd e/hi wedi ymgymryd â datblygiad proffesiynol arbenigol. Bydd disgwyl i ymgeisydd llwyddiannus sydd ddim wedi derbyn hyfforddiant arbenigol gwblhau hyfforddiant arbenigol priodol.

Am ragor o wybodaeth, cysylltwch â Helen Jenkins yn y Gwasanaeth Cymorth Dysgu, Canolfan Menter y Cymoedd, Parc Hen Lofa’r Navigation, Abercynon, CF45 4SN ar 01443 744333

Dyddiad cau ar gyfer derbyn ceisiadau: Dydd Sul 13 Hydref 2024 am hanner nos

Mae modd gweld y ffurflenni cais a manylion pellach, gan gynnwys disgrifiad swydd a'r fanyleb person ar gyfer y swydd ar wefan Recriwtio'r Cyngor.

MAE AMDDIFFYN PLANT AC OEDOLION AGORED I NIWED YN GYFRIFOLDEB CRAIDD I'R HOLL STAFF A BENODIR GAN Y CYNGOR.

YN OGYSTAL Â'R CYFRIFOLDEB YMA MEWN PERTHYNAS Â DIOGELU, BYDD Y GWASANAETH DATGELU A GWAHARDD YN YMCHWILIO'N FANWL I GEFNDIR YR YMGEISYDD LLWYDDIANNUS HEFYD.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaethau anneuaidd, crefydd neu gred, neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTQ+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os na fyddwch chi wedi clywed oddi wrthon ni cyn pen pedair wythnos ar ôl y dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb, ac am gyflwyno cais am swydd gyda'r Cyngor.