BETH YW RHEOLWR DATBLYGU’R GYMRAEG?

Rydym yn chwarae rhan allweddol wrth arwain a chefnogi darpariaeth gwasanaethau Cymraeg o ansawdd ar draws ein sefydliad a hyrwyddo’r defnydd o’r Gymraeg ymhlith rhanddeiliaid mewnol ac allanol trwy amrywiaeth o fentrau.

Rydym yn rhannu ein hangerdd dros y Gymraeg ac yn hybu ac annog defnydd dyddiol o’r iaith. Awn ati i chwilio am gyfleoedd i ddathlu diwylliant Cymru a’i le yn y byd ac eirioli’n hyderus dros ac ar ran y Gymraeg.

Rydym yn sicrhau bod ein gweithle yn cydymffurfio â Safonau’r Gymraeg, ac yn cefnogi staff i ddeall y gofynion a’u bodloni. Rydym yn sicrhau bod gan y sefydliad gynlluniau gweithredu cyfredol ar gyfer y Gymraeg er mwyn gweithio tuag at dargedau Llywodraeth Cymru ar gyfer darpariaeth cyfrwng Cymraeg.

Rydym yn sicrhau bod gwasanaeth cynhwysfawr yn cael ei ddarparu i unrhyw un sy’n dewis cyfathrebu â ni neu ddefnyddio ein gwasanaethau trwy gyfrwng y Gymraeg. Rydym yn edrych am gyfleoedd i’n polisïau a’n harferion gael effaith gadarnhaol ar y defnydd o’r iaith.

Rydym yn gweithio’n agos â’r Coleg Cymraeg Cenedlaethol i ddatblygu rhagor o gyfleoedd astudio trwy gyfrwng y Gymraeg i ddysgwyr, myfyrwyr a phrentisiaid yng Nghymru.