ERW

Mae ERW yn un o bedwar consortiwm addysg rhanbarthol yng Nghymru. Ei fwriad yw darparu un gwasanaeth gwella ysgolion cyson, integredig a phroffesiynol ledled pedwar awdurdod lleol. (Abertawe, Powys, Sir Gar, Sir Penfro)

Mae'r model cenedlaethol ar gyfer gwella ysgolion yng Nghymru wedi'i seilio ar weledigaeth o gonsortia rhanbarthol ar gyfer gwella ysgolion yn gweithio ar ran awdurdodau lleol i arwain a chydlynu'r gwelliant ym mherfformiad ysgolion ac yn addysg pobl ifanc.

NODAU ERW

1. Gwella ansawdd yr arweinyddiaeth a'i heffaith ar ddeilliannau 
2. Gwella ansawdd y profiadau addysgu a dysgu, a'u heffaith ar ddeilliannau 
3. Lleihau effaith tlodi ar gyrhaeddiad, cefnogi dysgwyr agored i niwed, a sicrhau bod pob dysgwr yn gwireddu ei botensial 
4. Darparu ymyrraeth, her a chymorth pwrpasol ac o ansawdd uchel i ysgolion
5. Cyfathrebu mewn modd effeithiol â'r holl randdeiliaid

Cynllun Busnes

Mae cynllun busnes ERW yn gyson â dyheadau ac amcanion galluogi Cenhadaeth ein Cenedl, ac yn eu hadlewyrchu, gan hefyd adlewyrchu blaenoriaethau lleol a rhanbarthol ar yr un pryd, sef:

• Datblygu a chyflwyno cwricwlwm trawsnewidiol
• Datblygu proffesiwn addysg o ansawdd uchel
• Creu arweinwyr ysbrydoledig, a'u hwyluso i gydweithredu er mwyn gwella safonau
• Creu ysgolion cryf a chynhwysol sy'n ymrwymedig i gydraddoldeb a llesiant
• Datblygu prosesau cadarn o ran asesu, gwerthuso ac atebolrwydd, sy'n cefnogi system sy'n hunanwella