Cynorthwyydd Cymorth Dysgu 1:1 (Lefel 2) - Ysgol Gymunedol Neyland

Cyflog: Gradd 4 - £25,989 - £26,403

Cynorthwyydd Addysgu - Lefel 2 - (pwynt 6 o'r raddfa gyflog)

Cyfnod penodol dros dro am flwyddyn - 28 awr

(I ddechrau Medi 2026)

Rydym yn chwilio am Gynorthwyydd Cymorth Dysgu Lefel 2 medrus i ddarparu cymorth un i un i blentyn ag anghenion dysgu ychwanegol.

Yn Ysgol Gymunedol Neyland rydym yn angerddol am ddarparu gofal o'r ansawdd uchaf i'n holl blant mewn amgylchedd hwyliog, ysgogol a gofalgar. Rydym yn dwlu ar yr awyr agored ac yn hyrwyddo cyfleoedd dysgu gweithredol yn yr awyr agored - ym mhob tywydd!

Y rôl fydd cefnogi plant i gael mynediad at y cwricwlwm yn yr ystafell ddosbarth ac ar sail unigol un i un, datblygu sgiliau cyfathrebu ymhellach a'u cefnogi i weithredu targedau o'u Cynlluniau Datblygu Unigol.

Cyfrifoldebau

• Cyfrannu at gynllunio a gweithredu rhaglenni o weithgareddau priodol ar gyfer y plant mewn cydweithrediad â'r athro/athrawes dosbarth.
• Dealltwriaeth lawn o systemau cadw cofnodion yr ysgol a chadw cofnodion o ddatblygiad y plant, gan ddefnyddio ein taith ddysgu ar-lein o'r enw SeeSaw.
• Cynorthwyo gyda threfn y clwb brecwast bob bore
• Cynorthwyo i ddarparu ystod ddeniadol ac ysgogol o offer, gweithgareddau ac arddangosfeydd, dan do ac yn yr awyr agored, sy'n berthnasol i oedrannau ac anghenion y plant, sy'n annog annibyniaeth, hunan-gymhelliant ac awydd i ddysgu
• Cynorthwyo i ddarparu amgylchedd o ansawdd uchel i ddiwallu anghenion plant unigol o wahanol ddiwylliannau a chefndiroedd crefyddol a chyfnodau datblygiad
• Bod yn gyfarwydd â'r Safonau Gofynnol Cenedlaethol a chanllawiau ac argymhellion arferion da a chynorthwyo i'w gweithredu
• Rhannu'r cyfrifoldeb dros ddiogelu a hyrwyddo lles yr holl blant

Mae'r swydd wag am 28 awr yr wythnos dros bum niwrnod, o ddydd Llun i ddydd Gwener o 9am i 3pm.

Gallwn gynnig cymuned ysgol gynnes, feithringar sy'n seiliedig ar ethos cryf a chefnogaeth tîm o staff a llywodraethwyr ymroddedig a gweithgar. Dyma gyfle gwych i fod yn rhan o'r ymarfer yn ein hysgol ac i lywio'r ymarfer hwnnw.

Nododd ein harolygiad llwyddiannus diweddar gan Estyn (Mawrth 2023) lawer o gryfderau ;

Mae Ysgol Gymunedol Neyland yn fan lle mae disgyblion, staff a theuluoedd yn teimlo eu bod yn cael eu croesawu a'u cefnogi. Cryfder nodedig yn yr ysgol yw'r ethos gofalgar cryf a'r ymddiriedaeth a'r parch rhwng disgyblion a staff. Mae arweinwyr yr ysgol wedi datblygu diwylliant cadarnhaol o waith tîm ymhlith y staff a'r gymuned leol. Mae'r ysgol yn darparu ystod gyfoethog, eang a chytbwys o brofiadau dysgu a darpariaeth ychwanegol.

Yn ein hysgol, rydym yn siarad am 'fynd yr ail filltir' ac yn dangos hyn yn weithredol i'n plant, ein teuluoedd a'n cymuned. Mae'n allweddol bod yr ymgeisydd llwyddiannus yn rhan o hyn ac yn dangos sgiliau i ddod yn rhan weithredol o'n hethos cadarnhaol a gofalgar wrth ddarparu profiadau dysgu cyfoethog i'n disgyblion.

Os oes angen rhagor o wybodaeth arnoch am y rôl, neu i drefnu ymweliad, cysylltwch â'r Pennaeth ar HewittC30@Hwbcymru.net .

Edrychwch hefyd ar wefan ein hysgol https://neylandcommunity-school.co.uk/home a'n tudalen Facebook i ddysgu mwy am ein hysgol effeithiol.

Dyddiad cau: Dydd Llun, 22 Mehefin 2026

Llunio'r rhestr fer: Dydd Mawrth, 23 Mehefin 2026

Cyfweliadau: Dydd Mercher, 1 Gorffennaf

Buddion i Weithwyr

Mae ein buddion i weithwyr wedi'u cynllunio i helpu i fuddsoddi yn eich dyfodol ac maent yn ychwanegol at fyw a gweithio yn Sir Benfro, un o'r siroedd mwyaf prydferth a dymunol yn y DU.

Mae gwefan Ymweld â Sir Benfro https://www.visitpembrokeshire.com/cy-gb yn ffynhonnell wybodaeth ardderchog, ac mae'n arddangos yr amrywiaeth eang o weithgareddau, amwynderau ac anturiaethau sy'n aros amdanoch.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.


Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Nodyn Canllaw: Defnyddio Deallusrwydd Artiffisial a Chywirdeb Gwybodaeth:

• Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
• Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Mae'r Rhaglen Cyflogaeth â Chymorth yn grŵp o fentrau sy'n seiliedig ar awdurdodau lleol sy'n cyflogi dros 75 o bobl ag anabledd neu gyflwr iechyd sy'n cyfyngu ar eu gallu i weithio, ewch i'r ddolen isod am ragor o wybodaeth: Rhaglen Cyflogaeth a Chymorth - Cyngor Sir Benfro

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.


Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.

Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.