Athro/awes Gwyddoniaeth Di-gymhwyster- Ysgol Uwchradd Tywyn

Cyflog: £35,675 y flwyddyn

Manylion
Hysbyseb Swydd

ADRAN ADDYSG

YSGOLION UWCHRADD

YSGOL UWCHRADD TYWYN

(Cyfun 11 - 16; 374 o ddisgyblion)

Yn eisiau: 1 Medi, 2026

ATHRO/ ATHRAWES GWYDDONIAETH (Hyfforddi fel Athro Uwchradd)

Cytundeb dros dro am ddwy flynedd hyd at 31/08/2028 yn unig yw hwn.

Mae'r Ysgol yn awyddus i benodi Athro/Athrawes Cymraeg, Gwyddoniaeth, Mathemateg a Thechnoleg (Hyfforddi fel Athro Uwchradd) 4 swydd wahanol - gweler gweddill yr hysbysebion am fwy o fanylion.

Mae'r cynllun hwn wedi'i gefnogi gan Y Brifysgol Agored.

Telir cyflog yn unol â Graddfa Gyflog Athrawon Digymhwyster (£22,685 - £35,875) y flwyddyn yn ôl profiad a chymwysterau.

Mae'r gallu i addysgu trwy gyfrwng y Gymraeg a'r Saesneg yn ddymunol ar gyfer y swydd hon.

Gwahoddir unrhyw un sydd â diddordeb a/neu angen mwy o wybodaeth i drafod yn anffurfiol â'r Pennaeth, Mr David Thorp, pennaeth@tywyn.ysgoliongwynedd.cymru neu ffôn 01654 710256.

Gellir cyflwyno cais am y swydd yma ar-lein ar wefan Cyngor Gwynedd neu mae pecyn cais i'w cael gan Mrs Lynsey Williams, Swyddog Gweinyddol, (Rhif ffôn 01654 710256)

e-bost: sg@tywyn.ysgoliongwynedd.cymru

DYDDIAD CAU: HANNER DYDD, DYDD MAWRTH, 14eg o Ebrill, 2026.

Bydd y Cyngor yn gofyn am ddadleniad gan y Gwasanaeth Datgelu a Gwahardd a chadarnhad o gofrestriad gyda'r Cyngor Gweithlu Addysg ar gyfer yr ymgeiswyr llwyddiannus cyn y gallent gychwyn yn yr Ysgol.

(The above is an advertisement for a temporary post training to be a qualified teacher of Science at Ysgol Uwchradd Tywyn for which the ability to communicate through the medium of Welsh and English is desirable. The Council will require a Disclosure and Barring Service Certificate and confirmation of registration with the Education Workforce Council for the successful applicant before they can start at the school ).

Manylion Person

Ysgol Uwchradd Tywyn

(This is an advertisement for an opportunity to train as a secondary school teacher through the Open University at Ysgol Uwchradd Tywyn. It is desirable that all candidates are fluent in both Welsh and English).

Athro / Athrawes Gwyddoniaeth

Dyma gyfle i hyfforddi fel athro uwchradd drwy'r Brifysgol Agored TAR WEDI EI ARIANNU'N LLAWN (rhaglen 2 flynedd)
Graddfa Cyflog: Statws Athro Digymhwyster Pwynt 1(£22,685)

Yn eisiau erbyn: Medi 2026

Mae Ysgol Uwchradd Tywyn yn ysgol wledig sydd wedi ei leoli yn Nhywyn, De Gwynedd. Ar hyn o bryd, mae 374 o ddysgwyr yn yr ysgol. Y mae i'r ysgol naws ofalgar a theuluol gyda cynhwysiant yn ganolog i bopeth.

Mae'r ysgol yn cynnig cyfle arbennig i unigolyn trwy raglen bartneriaeth TAR (2 flynedd) a ariennir yn llawn gan Lywodraeth Cymru drwy darpariaeth y Brifysgol Agored. Bydd yr ymgeisydd llwyddiannus yn addysgu Gwyddoniaeth. Mae'r ysgol wedi ymrwymo'n llwyr i gefnogi ymgyrch Llywodraeth Cymru i gynyddu nifer y siaradwyr Cymraeg yng Nghymru.

Mae'r rhaglen wedi'i hanelu at raddedigion sydd unai'n gweithio ar hyn o bryd ac eisiau newid gyrfa, neu sydd â phrofiad yn y gorffennol o weithio mewn amgylchedd gyda phlant a phobl ifanc. Gall hyn gynnwys cynorthwywyr addysgu a hyfforddwyr dysgu sy'n dymuno symud ymlaen yn eu gyrfa yn ogystal â swyddogion ieuenctid. Croesewir ceisiadau gan ymgeiswyr sydd yn eu blwyddyn olaf yn y brifysgol hefyd.

Rydym yn edrych am unigolyn sydd yn angerddol am gefnogi gweledigaeth yr ysgol a thrwy hynny, wneud gwahaniaeth mawr yn addysg ac ym mywyd ein pobl ifanc. Bydd deilydd y swydd hon yn cael cefnogaeth lawn gan yr ysgol wrth iddynt ddatblygu i fod yn addysgwr llwyddiannus.

DISGRIFIAD O'R RHAGLEN
Gofynion mynediad ar gyfer llwybr TAR i addysgu a ariennir yn llawn gan y Brifysgol Agored. Mae'n ofynnol i ymgeiswyr ddal y canlynol, o leiaf:
•Safon sy'n cyfateb i TGAU Gradd C neu uwch mewn Mathemateg neu Fathemateg-Rhifedd
•Safon sy'n cyfateb i TGAU Gradd C neu uwch mewn naill ai Saesneg Iaith neu Gymraeg Iaith Gyntaf
•Gradd anrhydedd lawn yn y DU (neu gyfwerth). Rhaid i chi feddu ar radd sydd ag o leiaf 50% o berthnasedd i'r pwnc os ydych am addysgu i ddod yn athro ysgol uwchradd (dysgwyr 12-16 oed). I'r ymgeiswyr hynny sy'n gwneud cais pwnc Cymraeg, nid oes rhaid i'ch gradd fod yn y maes hwn o reidrwydd os gallwch ddangos eich bod yn defnyddio'r iaith yn rhugl, oherwydd efallai y bydd ystyriaeth yn cael ei rhoi yn dibynnu ar ddyfnder eich gwybodaeth.
•Mae angen i ymgeiswyr fod ar gael i ymrwymo i gontract amser llawn (nid yn ystod y tymor yn unig) tan ddiwedd y rhaglen ym mis Gorffennaf 2028 a bydd yn ofynnol iddynt fod wedi'u lleoli yn yr ysgol o ddydd Llun i ddydd Gwener.

•Mae'r llwybr TAR yn rhaglen 2 flynedd.
•Mae'r swydd hon yn amodol ar wiriad DBS manylach.

Swydd Ddisgrifiad

.

• Ceisio ar lein - Sut?
  
• Rhestr Swyddi