Cynorthwyydd Cymorth Dysgu – Lefel 1 – Ysgol Wirfoddol a Reolir Spittal

Cyflog: Grade 3 - £24,027 pro rata

Gradd 3 - £24,027 am 25 awr yr wythnos yn ystod y tymor yn unig am 45.8 wythnos y flwyddyn sy'n cyfateb i £14,260.42 pro rata.

Mae hon yn swydd tymor penodol sydd ei hangen am 25 awr yr wythnos tan 31/08/2026 i weithio ochr yn ochr â'r Athro/Athrawes Dosbarth fel Cynorthwyydd Cymorth Dysgu (CCD) yn y dosbarth.

Gan weithio o dan gyfarwyddyd yr athro dosbarth a'r uwch-dîm arwain, byddwch yn darparu cymorth i ddisgyblion, gan weithio o fewn grŵp blwyddyn. Bydd hyn ar ffurf cynorthwyo'r athro dosbarth drwy gymryd rhan mewn gwaith addysgu disgyblion fel dosbarth cyfan, mewn grwpiau bach ac yn unigol. Bydd disgwyl i chi hefyd gynorthwyo gyda'r gwaith o baratoi deunyddiau ac arddangosiadau, clirio adnoddau yn ôl yr angen, a chyfrannu at y gwaith o gyflwyno'r cynlluniau addysg unigol sydd ar waith ar gyfer disgyblion o fewn y dosbarth hwnnw.

Rydym yn chwilio am rywun sy'n bodloni'r canlynol:

• Yn meddu ar ddisgwyliadau uchel o'r dysgwr a nhw eu hunain
• Yn meddu ar brofiad o gefnogi plant mewn ystafell ddosbarth (byddai profiad o gefnogi plant ag anghenion ychwanegol yn ddymunol)
• Yn meddu ar sgiliau rhyngbersonol rhagorol a'r gallu i weithio fel rhan o dîm ymroddedig a phroffesiynol
• Yn gallu defnyddio ei fenter ei hun a chydweithio'n hyblyg mewn tîm
• Yn meddu ar agwedd amyneddgar a gofalgar

Gallwn gynnig y canlynol i chi:

• Plant hyfryd sy'n ddysgwyr brwdfrydig
• Staff angerddol, gweithgar a chefnogol sy'n ymroddedig i gael y gorau o bob unigolyn
• Llywodraethwyr a rhieni cefnogol a chysylltiadau cryf â'r gymuned
• Amgylchedd gweithio gwych gydag adnoddau a chyfleusterau rhagorol
• Cyfleoedd datblygiad personol cryf

Mae addysg o safon dda, a dealltwriaeth o anghenion a hawliau plant / pobl ifanc, ynghyd â phrofiad o weithio gyda phlant a sgiliau cyfathrebu rhagorol, yn hanfodol ar gyfer y rôl hon.