Cynorthwyydd Marchnad

Cyflog: £26,780 - £27,630

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Ynglŷn â'r swydd wag

Cyfeirnod y Swydd Wag: 2261

Sefydliad:

Cyngor Sir Caerfyrddin

Nifer y swyddi gwag:

1

Math o gontract:

Parhaol Amser Llawn

Lleoliad:

Caerfyrddin

Gradd:

Gradd C +8%

Cyflog:

£26,780 - £27,630

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£13.88 - £14.32

Oriau Contract:

37

Dewch i ymuno â'n tîm

Mae cyfle cyffrous i unigolyn hyblyg sy'n gryf ei gymhelliant weithio o fewn yr Is-adran Datblygu Economaidd ac Eiddo yn yr Adran Lle, Seilwaith a Datblygu Economaidd.

Rydym yn chwilio am unigolyn sy'n meddu ar sgiliau cyfathrebu gwych, sy'n frwdfrydig, yn egnïol ac yn hunanysgogol, sy'n gallu addasu'n dda i unrhyw sefyllfa benodol wrth ddarparu gofal cwsmeriaid o ansawdd uchel yn barhaus ac yn cynnal gofal cwsmeriaid rhagorol.

Dylai fod gennych agwedd gadarnhaol, egni, y gallu i addasu, a sgiliau sefydliadol cryf i wneud gwahaniaeth ystyrlon wrth gefnogi'r gwaith o reoli a datblygu Marchnad Nwyddau Caerfyrddin a hwyluso'r holl farchnadoedd achlysurol yng nghanol tref Caerfyrddin.

Bydd gan y Cynorthwyydd Marchnad ym Marchnad Caerfyrddin gyfrifoldeb am

• agor a chau safleoedd gan gynnwys gosod a dadactifadu systemau larwm.
• rheoli'r gwaredu diogel o wastraff masnachol gan gynnwys defnyddio peiriannau
• glendid neuadd y farchnad, Rhodfa'r Farchnad a chyfleusterau toiled. Bydd hyn yn cynnwys defnyddio peiriant glanhau ac offer
• cynnal cofnodion gweinyddol
• cynnal perthynas waith effeithiol â masnachwyr gan gynnwys delio ag ymholiadau gan denantiaid, y cyhoedd, a rhanddeiliaid eraill
• Cefnogi'r gwaith o drefnu digwyddiadau marchnad achlysurol yng Nghaerfyrddin, gan gynnwys cofrestru masnachwyr a chadw at bolisïau.

• Cefnogi'r gwaith o sicrhau bod safle'r farchnad yn ddiogel, yn unol â mesurau diogelwch tân, gan gynnwys profi larymau/systemau yn rheolaidd.

Yn sail i hyn mae'r ymddiriedaeth a'r berthynas y byddwch chi'n ei feithrin â thîm y farchnad.

I gael rhagor o wybodaeth, cysylltwch â Lee Price ar 01267 228841 neu mlprice@sirgar.gov.uk

Disgrifiad Swydd:

Market Assistant-007819-MAY22.pdf - 138KB ~~EFORM_FILE_NEW_WINDOW~~

Lefel Sgiliau Cymraeg - Siarad:

Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 26/11/2025, 23:55

Y Buddion

Rydym yn cynnig pecyn buddion ardderchog, gan gynnwys:

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. ">Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.